អ្នកនាំពាក្យក្រសួងការបរទេស៖ រុស្ស៊ីមិនមានបំណងត្រឡប់ទៅកាន់ “វាំងននដែក” ក្នុងទំនាក់ទំនងជាមួយលោកខាងលិចទេ
ម៉ូស្គូ៖ អ្នកនាំពាក្យក្រសួងការបរទេសរុស្ស៊ីលោកស្រី ម៉ារៀ ហ្សាខារ៉ូវ៉ា បានបញ្ជាក់នៅក្នុងបទសម្ភាសន៍មួយជាមួយប៉ុស្តិ៍ទូរទស្សន៍ ប៊ែលរ៉ូស (BelRos) ថាប្រទេសរុស្ស៊ីមិនចង់វិលត្រលប់ទៅកាន់ “វាំងននដែក” ក្នុងទំនាក់ទំនងជាមួយលោកខាងលិចនោះទេ។
នៅពេលសួរថាតើទីក្រុងម៉ូស្គូនឹងត្រលប់ទៅកាន់ “វាំងននដែក” ក្នុងទំនាក់ទំនង ជាមួយបណ្តាប្រទេសលោកខាងលិចដែរឬទេ? អ្នកការទូតបាននិយាយថា ភាគីរុស្ស៊ីនឹងមិនចាត់វិធានការបែបនេះទេ។ អ្នកស្រីបានបន្ថែមដូច្នេះថា៖ ប៉ុន្តែអ្វីដែលពួកគេ… ដៃគូលោកខាងលិចរបស់យើង… គឺបាននិងកំពុងសាងសង់នៅផ្ទះ (គឺមិនដឹងនោះទេ)។ សម្ពន្ធមិត្តរបស់សហរដ្ឋអាមេរិក និងលោកខាងលិចបានឃ្លាំមើល ខណៈការបង្កើនទ័ពរបស់រុស្ស៊ីនៅជិតព្រំដែនអ៊ុយក្រែនបានកើនឡើងដល់កម្រិតខ្ពស់បំផុតក្នុងចំនួនប៉ាន់ស្មាន ១០ម៉ឺននាក់ ដែលបង្កឱ្យមានការបារម្ភថា ទីក្រុងម៉ូស្គូកំពុងត្រៀមឈ្លានពានអ៊ុយក្រែន។ រុស្ស៊ីបានកាត់យកឧបទ្វីបគ្រីមៀរបស់អ៊ុយក្រែនក្នុងឆ្នាំ ២០១៤ និងភ្លាមៗបន្ទាប់ពីផ្តល់ការគាំទ្ររបស់ខ្លួននៅពីក្រោយការបះបោរផ្តាច់ខ្លួននៅភាគខាងកើតប្រទេសនេះ។ ក្នុងរយៈពេលជាង ៧ឆ្នាំមកនេះ ការប្រយុទ្ធគ្នាបានសម្លាប់មនុស្សជាង ១ម៉ឺន៤ពាន់នាក់ និងបំផ្លិចបំផ្លាញតំបន់បេះដូងឧស្សាហកម្មរបស់អ៊ុយក្រែន ដែលគេស្គាល់ថា ដុនបាស។
យ៉ាងណាមិញ រុស្ស៊ីបានបដិសេធរាល់ចេតនានៃការឈ្លានពានថ្មីណាមួយ ហើយជំនួសមកវិញបានចោទប្រកាន់អ៊ុយក្រែនថា រៀបផែនការដើម្បីព្យាយាមប្រើប្រាស់កម្លាំងដណ្តើមយកមកវិញ នូវទឹកដីដែលកាន់កាប់ដោយពួកឧទ្ទាមគាំទ្រដោយទីក្រុងម៉ូស្គូ តែភាគីអ៊ុយក្រែនបានច្រានចោលការអះអាងនេះ៕ ប្រភព៖ ស៊ីនហួរ
