សម្តេចតេជោ ហ៊ុន សែន ៖ មេរោគកូវីដបំប្លែងថ្មី អូមីក្រុង បានចាប់ផ្តើមលុកលុយ ទៅក្នុងសហគមន៍
ភ្នំពេញ៖ តាមរយៈសារពិសេសជាសំឡេងនៅយប់ថ្ងៃទី១០ ខែមករានេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជាបានមានប្រសាសន៍បញ្ជាក់ថា ឥឡូវនេះមេរោគកូវីដបំប្លែងថ្មី ដែលហៅថា អូមីក្រុង បាន ចាប់ផ្តល់លុកលុយទៅក្នុងសហគមន៍របស់យើងហើយ។ កិច្ចការបន្ទាន់របស់យើងពង្រឹងវិធានការការពារ ដើម្បីកុំឱ្យរីករាលដាលធ្ងន់ធ្ងរ។ នៅថ្ងៃទី១០ ខែមករា ឆ្នាំ២០២២នេះ មាន៣៤ករណី ក្នុង៣៤ករណីមានការនាំចូល២៤ករណី និង ឆ្លងចូលក្នុងសហគមន៍ចំនួន១០ករណី។ ក្នុងស្ថានការណ៍បែបនេះ ត្រូវតែយកចិត្តទុកដាក់ទៅលើវិធានការការពារឱ្យបានខ្លាំងក្លាបំផុតនោះគឺ ការអនុវត្តនូវវិធានការ៣កុំ៣ការពារ ដើម្បីធានាថា សហគមន៍របស់យើងមានភាពរឹង មាំ។
សម្តេចតេជោនាយករដ្ឋមន្ត្រី ក៏បានចេញបទបញ្ជាឱ្យជំរុញល្បឿននៃការចាក់វ៉ាក់សាំងដូសជំរុញជូនដល់ប្រជាពលរដ្ឋ។ …អាជ្ញាធរគ្រប់លំដាប់ថ្នាក់ត្រូវ តែពង្រឹងនិងយកចិត្តទុកដាក់ទៅលើការប្រមូលមនុស្សមកចាក់ឱ្យបានគ្រប់ៗគ្នានូវដូសជំរុញដើម្បីជាវិធានការទប់ស្កាត់ជាមួយនឹងមេរោគបំប្លែងថ្មីនេះ៕ ដោយៈពលជ័យ
សូមជូនសារជាសំឡេង៖
