សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតគោរពជូនពរដល់ សម្តេចវិបុលសេនាភក្តី សាយ ឈុំ ក្នុងឱកាសខួបចម្រើនជន្មាយុគម្រប់ ៧៧ឆ្នាំ ឈានចូល ៧៨ឆ្នាំ

ភ្នំពេញ ៖ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី ៣ ខែកុម្ភៈ ឆ្នាំ ២០២២ បានផ្ញើសារលិខិតគោរពជូនពរ សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសចម្រើនជន្មាយុគម្រប់ ៧៧ឆ្នាំ ឈានចូល ៧៨ឆ្នាំ ត្រូវនឹងថ្ងៃទី ៥ ខែកុម្ភៈ ឆ្នាំ២០២២ខាងមុខនេះ។

សារលិខិតជូនពរនោះ មានខ្លឹមសារថា «ស្ថិតក្នុងថ្ងៃអភិមង្គលវិសេសវិសាលថ្លៃថ្លានៃទិវាចម្រើន ជន្មាយុ ដ៏ឧត្តុង្គ ឧត្តម នាថ្ងៃទី៥ ខែកុម្ភៈ ឆ្នាំ២០ ២ ២ នេះ ក្នុងនាមនាងខ្ញុំផ្ទាល់ និងសហការីទាំងអស់នៃកាកបាទក្រហមកម្ពុជា នាងខ្ញុំសូម សម្តែងនូវសេចក្តីសោមនស្សរីករាយក្រៃលែង និងសូមគោរពជូននូវ សព្ទសាធុការ ពរបវរសួស្តី សិរីវឌ្ឍនមង្គលគ្រប់ប្រការជូន សម្ដេចវិបុលសេនាភក្តីប្រធានព្រឹទ្ធសភានៃព្រះរាជាណាចក្រកម្ពុជា និងលោកជំទាវសូមមានសុខភាពល្អបរិបូរណ៍កាយពលមាំមួន បញ្ញាញាណភ្លឺថ្លាវាងវៃ និងចម្រើនជន្មា ទីឃាយុ យឺនយូរ។

ក្នុងវរោកាសដ៏ឧឡារិកនេះ សូម សម្ដេច វិបុលសេនាភក្តី មេត្តាទទួលពីនាងខ្ញុំនូវអំណរគុណប្រកប ដោយក្តី គោរពកោតស្ញប់ស្ញែង ចំពោះ វីរភាពដ៏ឆ្នើម របស់សម្ដេច ក្នុងការតស៊ូ យ៉ាងស្វិតស្វាញ រំដោះជាតិមាតុភូមិ ពី របប ប្រល័យពូជសាសន៍ លះបង់កម្លាំងកាយចិត្ត ការពារខឿនឯករាជ្យជាតិ បូរណភាពទឹកដី និង ប្រជាជន។ លើសពីនេះ ទៅទៀតសម្ដេច វិបុលសេនាភក្តីតែងតែយកអស់ប្រាជ្ញា ស្មារតី បញ្ញាញាណដ៏ឈ្លាសវៃ បន្តបំពេញ បេសកក ម្ម យ៉ាងធំធេងក្នុងការដឹកនាំ ស្ថាប័នព្រឹទ្ធសភា ដែលជាស្ថាប័នអង្គនីតិប្បញ្ញត្តិនៃព្រះរាជាណាចក្រកម្ពុជា ពង្រឹងបាននីតិរដ្ឋរឹងមាំ ប្រជាធិបតេយ្យ ពេញលេញជំរុញឲ្យការ អភិវឌ្ឍ ប្រទេសជាតិមានការរី ក ចម្រើនលើគ្រប់វិស័យក្នុងសុខសន្តិភាព ស្ថិរភាព វឌ្ឍន ភាពសង្គម ដើម្បី ជាឧត្ដមប្រយោជន៍ ជាតិ សាសនា ព្រះមហាក្សត្រ។

ក្នុងឱកាសដ៏ឧត្តុង្គឧត្តមនេះ នាងខ្ញុំ និងសហការី សូមឧទ្ទិសបួង សួងដល់គុណបុណ្យ ព្រះរតនត្រ័យ វត្ថុស័ក្ដិសិទ្ធិ ទាំងអស់ ក្នុងលោក ទេវតាថែរក្សាទឹកដី នៃព្រះរាជាណាចក្រកម្ពុជា សូមអភិបាល ប្រោះព្រំ ប្រសិទ្ធពរជ័យ បវរ មហា ប្រសើរ ជូន សម្ដេចវិបុលសេនាភក្តី និង លោកជំទាវ ព្រមទាំង បុត្រា បុត្រី បុត្រប្រសា និងចៅៗ ជាទី ស្រឡាញ់ សូមបាន ប្រកបដោយ ព្រះពុទ្ធ ពរទាំង ៤ ប្រការ គឺ អាយុ វណ្ណៈ សុខៈ ពលៈ កុំបី ឃ្លៀងឃ្លាតឡើយ ៕ ដោយ / គ្រី សម្បត្តិ

Kien Sereyvuth
Kien Sereyvuth
IT Technical Support
ads banner
ads banner
ads banner