ភ្នំពេញ៖ កម្លាំងនៃអធិការដ្ឋាន នគរបាលខណ្ឌសែនសុខ បានបញ្ជូន ជនសង្ស័យ ចំនួន១៣នាក់ ករណី ជួញដូរ ប្រើប្រាស់គ្រឿងញៀន និងករណីលួច ទៅតុលាការ។ ការបញ្ជូនខ្លួនជនសង្ស័យទាំងនេះ គឺធ្វើឡើងនៅថ្ងៃ៣០ខែវិច្ឆិកា ឆ្នាំ២០១៩ ។

យោងតាមរបាយការណ៍របស់នគរបាលជំនាញ ផ្នែកព្រហ្មទណ្ឌខណ្ឌសែនសុខ បានឲ្យដឹងថា  ជនសង្ស័យទាំង១៣នាក់ខាងលើនេះ សមត្ថកិច្ចនគរបាលខណ្ឌសែនសុខ ធ្វើការបង្ក្រាបបាន ក្នុងមូលដ្ឋានកន្លងមក មានករណី ជួញដូរ ប្រើប្រាស់គ្រឿងញៀន និង ករណីលួច។

ជនសង្ស័យ ទាំង១៣នាក់ខាងលើនេះ បានសារភាពថា ពិតជាជាប់ពាក់ព័ន្ធករណីខាងលើនេះ ពិតប្រាកដមែន។
ហើយត្រូវបានសមត្ថកិច្ចបញ្ចាប់នីតិវិធី  សាកសួរ និងកសាងសំណុំរឿង ទៅតុលាការ៕ធ.ដ