ក្រុមហ៊ុនអាស្រ្តាហ្សេនីកា ( AstraZeneca) បានលក់វ៉ាក់សាំងកូវីដ ក្នុងទំហំទឹកប្រាក់ ៤ពាន់លានដុល្លារអាមេរិក ខណៈដែលប្រាក់ចំណូល ក្រុមហ៊ុនកើនឡើង។

ក្រុមហ៊ុន AstraZeneca បានកត់ត្រាប្រាក់ចំណូលកើនឡើងយ៉ាងខ្លាំង ខណៈដែលខ្លួនចាប់ផ្តើមយកប្រាក់ចំណេញ ពីវ៉ាក់សាំងការពារជំងឺ កូវីដ១៩នេះ ជាលើកដំបូង។ប្រាក់ចំណូលពេញមួយឆ្នាំ២០២១ ចំនួន ៣៧.៤ ពាន់លានដុល្លារ កើនឡើង ៣៨ភាគរយ ។ ផ្នែកមួយនៃការ កើនចំណូល គឺបានមកពីការលក់វ៉ាក់សាំង COVID-19 របស់ខ្លួនចំនួនបួន ពាន់លានដុល្លារ ជាវ៉ាក់សាំងផលិតដោយសាកលវិទ្យាល័យ Oxford នៃចក្រភពអង់គ្លេស។

ទោះបីជាប្រាក់ចំណូលកើនឡើងក៏ដោយ AstraZeneca បានរាយការណ៍ ពីការខាតបង់ ពីការបង់ពន្ធមុន ២៦៥លានដុល្លារ ដោយសារតែការ ចំណាយ ពីការទិញក្រុមហ៊ុនឱសថអាមេរិក Alexion Pharmaceuticals និងការស្រាវជ្រាវឱសថថ្មីៗ៕ ប្រភពពី ABC