ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ លាភសំណាងរបស់អ្នកថ្ងៃនេះធំណាស់ ដូច្នេះសូមលោកអ្នកត្រៀមទទួលអំណោយផលនេះ ក្នុងនោះសូមរក្សាចិត្តថ្លើម ចំណែកមតិយោបល់ណាដែលបណ្តាលឲ្យប៉ះពាល់ដល់អារម្មណ៍ និងផលប្រយោជន៍អ្នកដទៃគឺមិនត្រូវធ្វើជាដាច់ខាត។​ ចំពោះការសំដែងចេញភាពជោគជ័យ អាចបណ្តាលឲ្យមានមនុស្សឈ្នានីស ដូច្នេះស្ងប់ស្ងាត់ជាការប្រសើរ។ ប្រសិនបើមានគម្រោងផ្លាស់ប្តូរការងារ សូមកុំបារម្ភ ការងារថ្មីនឹងអាចផ្តល់ផលល្អដល់អ្នក។ សូមជៀសឲ្យផុតពីជម្លោះនៅក្នុងក្រុមការងារ និងកុំពាក់ព័ន្ធរឿងអ្នកដទៃ។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។​ រាសីអស់លោកអ្នកនៅក្នុងថ្ងៃនេះល្អជាមធ្យម។ ថ្ងែនេះរាល់កិច្ចការងារនានារបស់អ្នកដំណើរការទៅយ៉ាងរលូនណាស់ ព្រមទាំងមានមនុស្សជាច្រើនជួយយកអាសារផងដែរ។  សូមលោកអ្នកប្រយ័ត្នប្រយែងនឹងការចំណាយលុយកាក់ ព្រោះលោកអ្នកអាចនឹងចាញ់បោកគេ។ សូមរក្សាចិត្តគំនិត និងភាពទន់ភ្លន់ ប៉ុន្តែមិនត្រូវទុកចិត្តមនុស្សពេកនោះទេ។ សូមទម្លាក់ចោលកិច្ចការងារខ្លះ នឹងធ្វើការងារណាមួយឲ្យច្បាស់ទើបប្រសើរជាង។ ទិសដែលល្អប្រសើរបំផុត របស់លោកអ្នកគឺទិសឥសាន។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកនៅក្នុងថ្ងៃនេះល្អជាមធ្យម។ រាសីរបស់លោកអ្នកផ្សារភ្ជាប់ខ្លាំងទៅនឹងមនុស្ស វ័យក្មេង ដូច្នេះចូរធ្វើទំនាក់ទំនងល្អជាមួយពួកគេឲ្យកាន់តែច្រើន។ ចំពោះការងារ និងរបរនានាលោកអ្នកអាចនឹងទទួលផលដ៏ប្រសើរណាស់ ប៉ុន្តែលោកអ្នកមិនអាចធ្វើអ្វីដោយគ្មានគម្រោងបានទេ។ ថ្ងៃនេះមានអំណោយផលចំពោះការបង្កើតថ្មី ដូច្នេះសូមបញ្ចេញគំនិតយោបល់ ឬដាក់ការងាររបស់អ្នកចេញទៅ។ ទន្ទឹមនឹងនេះ លោកអ្នកក៏អាចមានលទ្ធភាពស្វែងយល់ពីបញ្ហាបានរហួស ហើយរកផ្លូវដោះស្រាយបានដោយវិជ្ជមានផងដែរ។ ផ្ទុយទៅ វីញ ប្រសិនបើអាចធ្វើបាន សូមកុំនិយាយស្តីច្រើនទើបជាការល្អប្រសើរជាង។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ រាសីថ្ងៃនេះនឹងនាំសំណាងធំដល់អ្នកប្រកបកិច្ចការងាររដ្ឋ និងឯកជន ព្រោះលោកអ្នកកំពុងមានដំណឹងដ៏ល្អទាក់ទងនឹងតំណែងតួនាទីល្អ។ ចំណែកលោកអ្នកធ្វើអាជីវកម្មនឹងទទួលបានផលចំណេញជាទីគាប់ចិត្ត។ លោកអ្នកមានមនុស្សជាច្រើនចាំទំនុកបម្រុង និងគាំទ្ររាល់កិច្ចការទាំងពួង ដូច្នេះសូមកុំបារម្ភក្នុងការចាប់យកការងារថ្មីៗ ឬបោះចោលការងារខ្លះដែលមិនសូវសក្តិសមនឹងអ្នក។​ ក្រៅពីនេះ លោកអ្នកអាចក្លាយទៅជាមេដឹកនាំក្រុម ដែលអាចធ្វើឲ្យមនុស្សនៅក្រោមបង្គាប់មានភាព ស្និទ្ធស្នាល និងពេញចិត្តក្រៃលែង។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ រាសីអស់លោកអ្នកនៅក្នុងថ្ងៃនេះល្អជាមធ្យម។ មុខរបរអាជីវកម្ម និងកិច្ចការនានារបស់លោកអ្នកចម្រើនលូតលាស់ណាស់។ លោកអ្នកមានមនុស្សដែលមកពីចំងាយនាំលាភមកឲ្យ ដូច្នេះសូមរក្សាលាភសំណាងទាំងនេះ ដោយភាពស្មោះត្រង់។ សូមរក្សាចិត្តគំនិតល្អនឹងមនុស្សនៅជុំវិញខ្លួន ហើយសូមពិភាក្សាយោបល់ឲ្យបានច្រើន ប្រសិនបើអ្នកមិនអាចរកច្រកចេញសម្រាប់បញ្ហាដែលកើតឡើងជាយថាហេតុ។ ក្រៅពីនេះ សូមលោកអ្នកប្រយ័ត្នក្នុងការនិយាយស្តី ពីព្រោះកំហុសដោយអចេតនានឹងបណ្តាលឲ្យអ្នកមានភាពស្មុគ្រស្មាញខ្លាំង។ ដោយឡែក លោកអ្នកអាចយល់ដឹងពីស្ថានភាពបានលឿន និងគ្រប់ជ្រុងជ្រោយ។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះលាភសំណាងរបស់អ្នកនឹងហូរចូលក្នុងផ្ទះដោយមិនបាច់ប្រឹងប្រែងណាស់ណានោះទេ។ ដោយឡែកការងារនានាដែលអ្នកគ្រោងទុកនឹងទទួលបានផលល្អខ្លាំងណាស់ ដូច្នេះសូមប្រើប្រាស់ពេលវេលាថ្ងៃនេះទាញយកផល។ ពាក្យសំដីរបស់លោកអ្នកនឹងទទួលបានការគាំទ្រណាស់ ប៉ុន្តែពាក្យសំដីឥតប្រយោជន៍មិនគួរនិយាយទេ។ សូមចាប់ផ្តើមការងារ តាំងពីព្រលឹម កុំទុកពេលវេលាសំណាង និងជោគជ័យឲ្យកន្លងទៅបាត់។ ចំពោះលោកអ្នកជាអាជីវករ សូមកុំបោះបង់ឳ កាសទាំងឡាយណានៅទិសបច្ចឹម។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះស្រុតចុះ។ ថ្ងៃនេះលោកអ្នកហាក់មានកង្វល់ច្រើនណាស់ ចំណែកកិច្ចការងារក៏ហាក់មានភាពប្រទាក់ក្រឡាច្រើនផងដែរ។ សូមមានភាពអត់ធ្មត់ និងព្យាយាមបន្ថែមដើម្បីកែប្រែស្ថានការណ៍។ ភាពរស់រាយរាក់ទាក់ និងដាក់ចិត្តថ្លើមក្នុងភារកិច្ចការងារ ព្រមទាំងមនុស្សជុំវិញខ្លួន និងជួយសម្រួលស្ថានការណ៍បានប្រសើរឡើង។ ចំណែកការបណ្តាក់ទុន និងផ្លាស់ប្តូរការងារមិនគួរធ្វើនៅពេលនេះទេ ព្រោះអ្នកអាចជួបនឹងការខាតបង់។ ក្រៅពីនេះ សូមលោកអ្នកប្រុងប្រយ័ត្នចំពោះការធ្វើដំណើរជិតឆ្ងាយ ហើយបើយកល្អ គួរទៅណាមកណាមានគ្នាទើបប្រសើរ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះធាតុទឹកនឹងជួយអ្នកឲ្យទទួលបានលាភសំណាងធំ ដូច្នេះរាល់កិច្ចការងាររបស់អ្នកនឹងគ្មានអ្វីអាចមកបង្អាក់បានទេ។ ចូរមានចិត្តអន់អោន និងអាធ្យាស្រ័យខ្ពស់។ លោកអ្នកគួរយកចិត្តទុកដាក់ជាមួយមនុស្សផ្ទុយភេទដែលនៅក្បែរលោកអ្នក ព្រោះគេអាចនឹងនាំសំណាងដល់អ្នក។ សូមកុំបារម្ភចំពោះរឿងរ៉ាវ និងភាពអវិជ្ជមានដែលមានកន្លងមក ព្រោះលោកអ្នកអាចដោះស្រាយបានយ៉ាងងាយ។ ប៉ុន្តែសូមអ្នកកុំមានចិត្តខឹងក្រោធឲ្យសោះក្នុងថ្ងៃនេះ បើទោះបីជាលោកអ្នករកឃើញភាព អយុត្តិធម៌ខ្លះក្តី។ ធ្វើយ៉ាងណាបញ្ចៀសបញ្ហាអវិជ្ជមានឲ្យបាន។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកថ្ងៃនេះឡើងខ្ពស់ត្រដែត។ ថ្ងៃនេះ គឺជាថ្ងៃអំណោយផលសម្រាប់ការអនុវត្តន៍ផែនការនានា ដូច្នេះសូមកុំមានការព្រួយបារម្ភអ្វីឡើយ លោកអ្នកនឹងទទួលបានភាពជោគជ័យគួរជាទីមោទនៈក្រៃលែង។​​ លោកអ្នកនឹងទទួលបានការគាំទ្រពីមនុស្សជាច្រើន​ ដូច្នេះត្រូវរក្សាឥរិយាបថ និងមិនត្រូវធ្វើឲ្យប៉ះពាល់អ្នកដទៃទេ។ ចំពោះការប្រមូលទិញអចលនវត្ថុ នឹងទទួលបានភោគផល និងមង្គលដ៏ល្អ។ ក្រៅពីនេះ ប្រសិនបើលោកអ្នកមាន បំណងចង់ផ្លាស់ប្តូរទីកន្លែងការងារ ឬកែប្រែគម្រោងផែនការ និងការអនុវត្តការងារ គឺអាច ធ្វើទៅបានដោយគ្មានផលរំខានណាមួយនោះទេ។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  រាសីអស់លោកអ្នកនៅក្នុងថ្ងៃនេះល្អជាមធ្យម។ ថ្ងៃនេះមានអំណោយផលសម្រាប់កិច្ចការងារ និងរបររកស៊ីជួញដូរ។ សូមរីករាយទទួលយកអំណោយផលផ្នែកសេដ្ឋកិច្ចនៅក្នុងថ្ងៃនេះ។ ទន្ទឹមនឹងនេះដែរ លោកអ្នកមានភាពស្មុគ្រស្មាញប្រទាក់ក្រឡាច្រើនគួរសម ដូច្នេះសូមរិះរកមធ្យោបាយដោះស្រាយដោយសន្តិវិធី។ ការឈ្លោះប្រកែក នឹងនាំមកនូវបញ្ហាធំ ព្រមទាំងខាតប្រយោជន៍ផងដែរ។ គួរយកចិត្តទុកដាក់សេចក្តីសុខក្នុងក្រុមគ្រួសារ ពិសេសជាមួយកូនចៅ។ ក្រៅពីនេះ ប្រហែលជាអ្នកនឹងទទួលបានដំណឹងពីការចាកចេញក្នុងដំណើរ បេសសកម្មការងារ ដូច្នេះសូមត្រៀមខ្លួនទុកជាមុន។

ឆ្នាំចរ

សម្រាប់លោកអ្នកដែលមានកំណើតឆ្នាំចរ នាមសត្វឆ្កែ ធាតុដី ពង្សយក្សស្រី។ រាសីលោកអ្នកល្អជាមធ្យម។ រាល់មុខរបរការងាររបស់អ្នកមានដំណើរការយ៉ាងរលូន ចំណែកអ្នកគាំទ្រក៏ច្រើនផងដែរ។ សូមធ្វើដំណើរដោយមានការប្រុងប្រយ័ត្ន ប្រសិនបើមិនចាំបាច់មិនគួរប្រញាប់ប្រញាលពេកកទេ។ លោកអ្នកមានលទ្ធភាពគ្រប់គ្រាន់ដើម្បីឆ្លើយតបទៅនឹងបញ្ហាមួយចំនួនដែលកើតឡើងក្នុងថ្ងៃនេះ ប៉ុន្តែប្រិសនបើអ្នកមានចិត្តមានះ នោះនឹងប៉ះពាល់ដល់លាភសំណាង។ ​សូមចំណាយពេល និងយកចិត្តទុកដាក់ចំពោះសេចក្តីសុខក្នុងក្រុមគ្រួសារ ​ដោយត្រូវថ្លឹងថ្លែងឲ្យមានតុល្យភាពជាមួយការងារ ។ ដោយឡែក សញ្ញាណនៃភាពរឹងស្ទះ ក្នុងទំនាក់ទំនងកំពុងកើនឡើង ដូច្នេះសូមពិនិត្យនឹងកែលម្អទំនាក់ទំនង ធ្វើយ៉ាងណាឲ្យ មានភាពស្មោះត្រង់ និងច្បាស់លាស់។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។ រាល់កិច្ចការងារ និងមុខរបររកស៊ីមានភាពរីកចម្រើនលូតលាស់ល្អណាស់។ ដោយឡែកអ្នកធ្វើការរដ្ឋនឹងបានទទួលដំណឹងល្អលើគម្រោងការងារដែលអ្នកកំពុងរងចាំផងដែរ។ លោកអ្នកត្រូវមានចិត្តស្មោះត្រង់ និងមិនត្រូវធ្វើរឿងអ្វីដែលពាក់ព័ន្ធនឹងបញ្ហារបស់អ្នកដទៃនោះទេ។ មនុស្សដែលអាចជួយយកអាសារអ្នកបាន។ ក្នុងពេលនេះ ក៏ជាពេលវេលាដែលមានអំណោយផលសម្រាប់ការចាកចេញពីស្ថានភាព ចាស់ដែលមិនរីករាយទាំងឡាយផងដែរ។ លោកអ្នករំពឹងថាទទួលបានឳកាសច្រើននៅខាង ក្រៅ ដូច្នេះមិនគួរចំណាយពេលនៅក្នុងបរិស្ថានដែលមិនសក្តិសមនឹងអ្នកនោះទេ។

ចំណាំ៖

ឆ្នាំទាំង៥ ជូត ថោះ ម្សាញ់ មមែ វក រាសីឡើងខ្ពស់។ លោកអ្នកមានសំណាងជាលុយកាក់ តួនាទីការងារ និងសេចក្តីសុខព្រមគ្នាតែម្តង។