គៀវ៖ ប្រធានាធិបតីអ៊ុយក្រែនលោក វ៉ូឡូឌីមៀ ហ្សេលែនស្គី បានអំពាវនាវឱ្យប្រជាជនអ៊ុយក្រែនការពារប្រទេសរបស់ពួកគេ ហើយបាននិយាយថា អាវុធនឹងត្រូវបានផ្តល់ឱ្យអ្នកណាម្នាក់ដែលត្រៀមប្រយុទ្ធ។

លោក ហ្សេលែនស្គី ក៏បាននិយាយដែរថា ជនជាតិអ៊ុយក្រែន ១៣៧នាក់បានស្លាប់នៅថ្ងៃព្រហស្បតិ៍ម្សិលមិញ។ លោក ហ្សេលែនស្គី បានបញ្ជាក់ដូច្នេះថា អ្វីដែលយើងធ្លាប់ឮសព្វថ្ងៃនេះ មិនមែនគ្រាន់តែជាការបំផ្ទុះកាំជ្រួច ការប្រយុទ្ធគ្នា និងការផ្ទុះនៃយន្តហោះនោះទេ… នេះគឺជាសំឡេងនៃវាំងននដែកថ្មីមួយ ដែលបានធ្លាក់ចុះ និងកំពុងបិទប្រទេសរុស្ស៊ីចេញពីពិភពស៊ីវិល័យ។

បន្ទាប់ពីប្រធានាធិបតីរុស្ស៊ីលោក វ្ល៉ាឌីមៀ ពូទីន បានប្រកាសសង្រ្គាមនៅក្នុងសុន្ទរកថា តាមកញ្ចក់ទូរទស្សន៍ ការផ្ទុះ និងការបាញ់កាំភ្លើងត្រូវបានឮពេញមួយព្រឹកនៅក្នុងទីក្រុងគៀវ ដែលជារដ្ឋធានីរបស់អ៊ុយក្រែនមានប្រជាជនជាងបីលាននាក់៕ ប្រភព៖ ប្រភព៖ The Straits Times ដោយ៖ ឈឹម ទីណា