ខេត្តព្រះសីហនុ ៖ ដើម្បីបន្តពង្រឹង និងបង្កើនកម្លាំងនៅមូលដ្ឋាន ធានាជោគជ័យក្នុងការបោះឆ្នោតឃុំសង្កាត់អាណត្តិទី៥ខាងមុខនេះ កាលពីថ្ងៃទី២៧ ខែកុម្ភៈ ឆ្នាំ២០២២ តំណាង ឯកឧត្តម សាយ សំអាល់ ប្រធានក្រុមការងារគណបក្សចុះមូលដ្ឋានខេត្តព្រះសីហនុ ឯកឧត្តម ខៀវ បូរិន បានដឹកនាំក្រុមការងារចូលរួមជាមួយ សមាជិកគណបក្សមូលដ្ឋាន ប្រកាសទទួលស្គាល់សមាជិកគណបក្សប្រជាជនថ្មីនៃឃុំទឹកល្អក់ចំនួន ១១០នាក់ ។

ឃុំទឹកល្អក់មានប្រជាពលរដ្ឋសរុប ៤៩១៣នាក់ ដែលក្នុងនោះ ២៤១២ នាក់ជាស្រ្តីហើយប្រជាពលរដ្ឋអាយុ ១៨ឆ្នាំឡើង ដែលបានចុះឈ្មោះបោះឆ្នោត មានចំនួន ៣០៤៦នាក់ ដែលក្នុងនោះ ចំនួន ២៦០៥នាក់ ជាសមាជិកគណបក្សប្រជាជន ឬស្មើនឹង៨៥,៥២% នៃអ្នកចុះឈ្មោះបោះឆ្នោតសរុប។

សមាជិកគណបក្សដែលទើបបានប្រកាសទទួលស្គាល់ថ្ងៃនេះ បានឡើងធ្វើការប្តេជ្ញាចិត្តចូលរួមរាល់សកម្មភាពជាមួយគណបក្សមូលដ្ឋាន ដើម្បីដណ្តើមយកជ័យជំនះជូនបេក្ខភាពក្រុមប្រឹក្សាឃុំអាណត្តិទី៥ នេះ។

ក្នុងនាម ឯកឧត្តម សាយ សំអាល់ ប្រធានក្រុមការងារគណបក្សចុះមូលដ្ឋានខេត្តព្រះសីហនុ ឯកឧត្តម ខៀវ បូរិន មានប្រសាសន៍ ជម្រុញនិងលើកទឹកចិត្តដល់សមាជិកគណបក្សថ្មីដែលទើបបានប្រកាសទទួលស្គាល់នេះ ត្រូវប្រកាន់ខ្ជាប់នូវគុណធម៌ ក៏ដូចជគោលការណ៍ណែានាំរបស់គណបក្ស និងចូលរួមបម្រើពលរដ្ឋឱ្យកាន់តែប្រសើរឡើងថែមទៀត តាមរយៈ ការចូលរួម តាមដានការអនុវត្តន៍នូវកិច្ចការងារក្នុងមូលដ្ឋាទៅតាមការសន្យាជាមួយបងប្អូនប្រជាពលរដ្ឋយើង ។

ជាមួយគ្នានេះ ឯកឧត្តម បានបញ្ជា់ថាបន្ថែមថា ជោគជ័យនៅថ្ងៃទី៥ ខែមីថុនា ឆ្នាំ២០២២ នឹងបន្តរក្សាសុខសន្តិភាពជូនប្រជាពលរដ្ឋ ដើម្បីបន្តអនុញ្ញាតឱ្យយើងទាំងអស់គ្នាបានចូលរួមអភិវឌ្ឍសេដ្ឋកិច្ចជាតិ និងសេដ្ឋកិច្ចគ្រួសារ ៕ ដោយ ៖ ង៉ាន ទិត្យ