ព្រុចសែល៖ ប្រធានគណៈកម្មការអឺរ៉ុបលោកស្រី Ursula von der Leyen បានប្រកាសនៅថ្ងៃអាទិត្យម្សិលមិញថា សហភាពអឺរ៉ុបនឹងហាមឃាត់ប្រព័ន្ធផ្សព្វផ្សាយ RT និង Sputnik របស់រុស្ស៊ី ដោយចោទប្រកាន់ពីបទផ្សព្វផ្សាយព័ត៌មានមិនពិតប្រកបដោយគ្រោះថ្នាក់។ ប៉ុន្តែលោកស្រីមិនបានបញ្ជាក់ថា តើបិទទូរទស្សន៍ ឬគេហទំព័ររបស់ប្រព័ន្ធផ្សព្វផ្សាយរុស្ស៊ីទាំងពីរនេះនោះទេ។

នៅក្នុងអ្វីដែលលោកស្រីហៅថា ជាជំហាន “មិនធ្លាប់មានពីមុនមក” លោកស្រី von der Leyen បាននិយាយដូច្នេះថា យើងនឹងហាមឃាត់នៅក្នុងសហភាពអឺរ៉ុប នូវម៉ាស៊ីនប្រព័ន្ធផ្សព្វផ្សាយរបស់វិមានក្រឹមឡាំង។ លោកស្រីបន្តថា រដ្ឋដែលគ្រប់គ្រងដោយប្រព័ន្ធផ្សព្វផ្សាយ Russia Today និង Sputnik ក៏ដូចជាក្រុមហ៊ុនបុត្រសម្ព័ន្ធរបស់ពួកគេ នឹងមិនអាចផ្សព្វផ្សាយការភូតកុហករបស់ពួកគេ ដើម្បីបង្ហាញអំពីភាពត្រឹមត្រូវនៃសង្រ្គាមរបស់លោក ពូទីន ដ៏ដូចជាសាបព្រួសការបែងចែកនៅក្នុងសហជីពរបស់យើងបានទៀតទេ។ យើងកំពុងបង្កើតឧបករណ៍ដើម្បីហាមឃាត់ព័ត៌មានមិនពិតដែលមានជាតិពុល និងគ្រោះថ្នាក់នៅក្នុងទ្វីបអឺរ៉ុប។

ចំណាត់ការរបស់លោកស្រី Von der Leyen ខាងលើនេះបានកើតឡើងមួយថ្ងៃបន្ទាប់ពីសមាគមអ្នកកាសែតអឺរ៉ុបបានអំពាវនាវឱ្យសហភាពអឺរ៉ុប (EU) អនុវត្តការហាមឃាត់ទូទាំងបណ្តាប្រទេសនៃប្លុកនេះទៅលើសារព័ត៌មាន RT ហើយឱ្យអ្នកកាសែតរបស់ RT ត្រូវដកចេញ៕ ប្រភព៖ RT ដោយ៖ ឈឹម ទីណា