ព្រៃវែង ៖ ឯកឧត្តម ស សុខា ប្រធានសហព័ន្ធកីឡាប៊ូល និងប៉េតង់កម្ពុជា ចូលរួមជាគណៈអធិបតីពិធីបើកការប្រកួតកីឡាប៊ូល និងប៉េតង់ពានរង្វាន់ ឯកឧត្តម ស សុខា ប្រចាំខេត្តព្រៃវែង នៅមន្ទីរគណបក្សប្រជាជនកម្ពុជា ខេត្តព្រៃវែង ។

ការប្រកួតកីឡាប៊ូល និងប៉េតង់ ប្រចាំខេត្តព្រៃវែង រៀបចំដោយសហព័ន្ធកីឡាប៊ូល និងប៉េតង់ខេត្តព្រៃវែង សហការជាមួយមន្ទីរអប់រំ យុវជន និងកីឡាខេត្តព្រៃវែង ដោយមានរយៈពេល ៣ថ្ងៃ គឺចាប់ពីថ្ងៃទី១៨ ដល់ថ្ងៃទី២០ ខែមេសា ឆ្នាំ២០២២ ដែលមានក្រុមចូលរួមប្រកួត ចំនួន ៧៧ក្រុម នារី ១៥ក្រុម និងមានកីឡាករ កីឡាការិនី សរុបចំនួន ២៦៦នាក់ នារី ៤២នាក់៕
ចាន់ វិចិត្រ