ភ្នំពេញ ៖ មានករណីជនសង្ស័យ ជិះម៉ូតូមិនស្គាល់ម៉ាក បានធ្វើសកម្មភាពឆក់កាបូបពីស្ត្រីជនជាតិបរទេសចំនួន ២នាក់ បានសម្រេច ខណៈកំពុងដើរថ្មើរជើងនៅតាមផ្លូវ ហើយជិះគេចខ្លួនបាត់ ធ្វើឱ្យស្ត្រីរងគ្រោះយំននៀលបង្កការភ្ញាក់ផ្អើលយ៉ាងខ្លាំង នៅវេលាម៉ោង១២ និង០៥នាទីថ្ងៃត្រង់ ថ្ងៃទី៨ ខែមិថុនា ឆ្នាំ២០២២ ស្ថិតនៅត្រង់ចំណុចផ្លូវព្រះមុនីវង្ស ខាងជើងស្តុប៣១០ ក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។

សូមបញ្ជាក់ថា ពាក់ព័ន្ធនឹងករណីឆក់ការបូបជនជាតិបរទេសខាងលើនេះ ប្រជាពលរដ្ឋ ក៏បានសំណូមពរទៅកាន់អាជ្ញាធរមូលដ្ឋាន នៃអធិការនគរបាលខណ្ឌបឹងកេងកង សូមជួយស្រាវជ្រាវតាមចាប់មុខសញ្ញា ដែលតែងតែធ្វើសកម្មភាពឆក់ជាញឹកញាប់ទៅលើប្រជាពលរដ្ឋ និងជនបរទេសនាពេលកន្លងមក ៕ ដោយ ៖ ឆៃហួត