ហាណូយ ៖ ប្រទេសវៀតណាមបានចំណាយប្រាក់ជិត ៣.៧ពាន់លានដុល្លារលើការនាំចូលរថយន្តដែលផលិតរួចរាល់ និងគ្រឿងបន្លាស់សម្រាប់ដំឡើងក្នុងរយៈពេល ៥ខែដើមឆ្នាំ២០២២នេះ ដោយបានប្រកាសពីការថយចុះពីមួយឆ្នាំទៅមួយឆ្នាំ ០.២ភាគរយ ។

ជាក់ស្តែង ប្រទេសអាស៊ីមួយនេះបាននាំចូលរថយន្តដែលផលិតរួចរាល់មានចំនួន ៥៥,៩៨៩គ្រឿង ដែលមានតម្លៃជាង ១.៤ពាន់លានដុល្លារក្នុងរយៈពេល ៥ខែមកនេះ ដោយធ្លាក់ចុះ ១៤.៩ភាគរយគិតក្នុងបរិមាណ និង ៦.៣ភាគរយគិតក្នុងតម្លៃ។ នេះបើយោងតាមប្រភពពីក្រសួងឧស្សាហកម្ម និងពាណិជ្ជកម្មនាពេលថ្មីៗនេះ។

ស្របពេលជាមួយគ្នានោះដែរ ការិយាល័យស្ថិតិទូទៅវៀតណាមបានឱ្យដឹងថា កាលពីឆ្នាំមុន វៀតណាមបានចំណាយប្រាក់ជិត ៨.៧ពាន់លានដុល្លារ ក្នុងការនាំចូលរថយន្ត និងគ្រឿងបន្លាស់សម្រាប់ដំឡើង កើនឡើងដល់ ៣៦.២ភាគរយ បើធៀបនឹងឆ្នាំ២០២០៕ ប្រភព៖ ស៊ីនហួរ ប្រែសម្រួល៖ ទីណា និងបុត្រា