កីឡាករ Antonio Rudiger និង Aurelien Tchouameni ត្រូវបានអធិរាជសរ Real Madrid នាំយកមកពង្រឹងក្រុមនារដូវក្តៅនេះ ។ ឥឡូវក្លឹបយក្សមួយនេះ ត្រៀមកញ្ចប់លុយ៩០លាន ដើម្បីចរចាជាមួយក្លិប Borussia Dortmund នាំយកខ្សែប្រយុទ្ធវ័យក្មេងសញ្ជាតិ អង់គ្លេស Jude Bellingham , នេះបើតាមរបាយការណ៍នៅបរទេស ។

Bellingham គឺជាកីឡាករវ័យក្មេងដ៏ល្អម្នាក់របស់ Dortmund ត្រូវបានក្លិបជាច្រើនចាប់អារម្មណ៍ ក្នុងនោះក៏មាន Manchester United ផងដែរ ។ ខណៈឥឡូវនេះ R.Madrid ត្រៀមធ្វើជាគូប្រកួតប្រជែងម្នាក់ទៀត ដើម្បីផ្ទេរយកខ្សែប្រយុទ្ធខាងលើ បើទោះបីទើបតែទិញបាន Antonio Rudiger និង Aurelien Tchouameni ក៏ដោយ ។

គួរបញ្ជាក់ថា យោងតាមការចុះផ្សាយរបស់កាសែត Cadena Ser បានឱ្យដឹងថា កីឡាករវ័យ ១៨ ឆ្នាំ Bellingham គឺជាគោលដៅចម្បងមួយរបស់ម្ចាស់ជើងឯក Champions League ១៤ សម័យ ៕ ចាន់ វិចិត្រ