ក្លឹប Tottenham បានត្រៀមថវិកា ៣៥លានអឺរ៉ូ (ឬប្រមាណ ៣៦.៥លានដុល្លារ) ដើម្បីចុះកិច្ចសន្យាយកខ្សែបម្រើរបស់ក្លឹប Brighton កីឡាករ Yves Bissouma សម្រាប់ការប្រកួតប្រជែងរដូវកាលថ្មី ។

កីឡាករ Bissouma មានវ័យ២៥ឆ្នាំ លេងជាខ្សែបម្រើការពារ បានបង្ហាញទម្រង់លេងដ៏ល្អជាមួយក្លឹប Brighton កាលពីរដូវកាលកន្លងទៅថ្មីៗនេះ ។ កីឡាករវ័យ២៥ឆ្នាំសញ្ជាតិម៉ាលីរូបនេះ មានពាក្យចចាមអារ៉ាម ថាធ្លាប់ចង់ផ្លាស់មកកាន់ Manchester United ប៉ុន្តែ បើរជាទៅចូលរួមជាមួយក្លឹប Spursទៅវិញ ។

បើយោងតាអ្នកកាសែតកីឡាដ៏ល្បីល្បាញ លោក Fabrizio Romano បានលើកឡើងថា Brighton នឹងទទួលបានប្រាក់ចំនួន ២៩លានអឺរ៉ូ ពីការលក់ Bissouma រួមទាំងលក្ខខណ្ឌផ្សេងៗទៀតដែលឈានដល់ ៣៥លានអឺរ៉ូ (ឬប្រមាណ ៣៦.៥លានដុល្លារ) ខណៈការធ្វើតេស្តសុខភាពនឹងធ្វើឡើងជាផ្លូវការនៅក្នុងពេលឆាប់ៗដ៏ខ្លីខាងមុខនេះ៕ ចាន់ វិចិត្រ