ហាណូយ៖ ក្រសួងសុខាភិបាលវៀតណាមបានប្រកាសរកឃើញករណីឆ្លងថ្មីៗ នៃជំងឺកូវីដ១៩ ចំនួន ៥២១ទៀត កាលពីថ្ងៃទី២០ មិថុនា ម្សិលមិញ។

ក្រសួងថា ហាណូយរ៉ាប់រងសម្រាប់ករណីឆ្លងថ្មីៗនេះ ចំនួន ១៤១ករណី។ ចំណែកខេត្តដែលមានករណីឆ្លងច្រើនដែរនោះគឺរួមមានដូចជា ខេត្ត Đà Nẵng មានចំនួន២៧ករណី និងខេត្ត Phú Thọ ចំនួន ២៧ករណី។ ទោះជាយ៉ាងណាក្នុងរបាយការណ៍ ម្សិលមិញ វៀតណាមពុំបានរកឃើញករណីអ្នកស្លាប់ថ្មីទេ។

គិតត្រឹមយប់ថ្ងៃទី២០ ខែមិថុនា វៀតណាមមានកូវីដ-១៩ សរុបនៅទូទាំងប្រទេសចំនួន ១០,៧៣៨,១៦១នាក់ ជាសះស្បើយចំនួន ៩,៦១១,៤០០នាក់ និងស្លាប់សរុបចំនួន ៤៣,០៨៣នាក់ ៕ សារ៉ាត