ឡុងដ៍៖ អតីតរដ្ឋមន្ត្រីហិរញ្ញវត្ថុអង់គ្លេស លោក Rishi Sunak បាន និយាយថា លោកកំពុងឈរឈ្មោះជំនួសលោក បូរីស ចនសុន(Boris Johnson)បីថ្ងៃ បន្ទាប់ពីបានជួយបើកដំណើរការការលាលែងពីតំណែង ដែលបានធ្វើឱ្យនាយករដ្ឋមន្រ្តីធ្លាក់ចុះពីតំណែង។

លោក Sunak បាននិយាយ តាមរយៈវីដេអូយុទ្ធនាការមួយ ដែលបាន ចេញផ្សាយនៅលើ Twitter ថា “នរណាម្នាក់ត្រូវតែក្តាប់ពេលនេះ ហើយធ្វើការសម្រេចចិត្តត្រឹមត្រូវ។ នោះហើយជាមូលហេតុដែល ខ្ញុំឈរជាមេដឹកនាំ បន្ទាប់ នៃគណបក្សអភិរក្ស និងនាយករដ្ឋមន្ត្រី របស់អ្នក” ។

លោក Sunak និងរដ្ឋមន្ត្រីសុខាភិបាល Sajid Javid បានលាលែង ពីគណៈរដ្ឋមន្ត្រី កាលពីថ្ងៃអង្គារ ខុសគ្នាតែប៉ុន្មាននាទី ដោយបង្កើតឱ្យ មានចលនាសង្វាក់នៃព្រឹត្តិការណ៍ដែលនាំទៅដល់ការសម្រេចចិត្តរបស់លោក Johnson ក្នុងការចុះចេញពីតំណែង។

ច្បាប់ និងកាលវិភាគសម្រាប់ការប្រកួត ជំនួសលោកនាយករដ្ឋមន្ត្រី ចនសុន នឹងត្រូវកំណត់នៅសប្តាហ៍ក្រោយ ដោយ គណៈកម្មាធិការបក្ស៕
ប្រែសម្រួល៖ សារ៉ាត