ខេត្តព្រះវិហារ៖ ឈើប្រណិតប្រភេទធ្នុងជាង ២០ដុំ ត្រូវបានកម្លាំងសង្កាត់រដ្ឋបាលព្រៃឈើត្បែងមានជ័យ ចុះបង្ក្រាប និងរឹបអូសបាន គ្រាដែលឈ្មួញបានធ្វើការដឹកជញ្ជូនតាមគោយន្តកន្ត្រៃ មកទម្លាក់ទុកក្នុងបរិវេណផ្ទះប្រជាពលរដ្ឋ និងត្រៀមលក់បន្តឲ្យឈ្មួញ ដឹកយកទៅលក់ឲ្យក្រុមអ្នកបើកសិប្បកម្មកែច្នៃឈើ នៅក្នុងក្រុងព្រះវិហារ។

ការចុះបង្ក្រាប និងរឹបអូសឈើទាំងនោះ បានធ្វើឡើងនៅថ្ងៃទី១២ ខែកក្កដា ឆ្នាំ២០២២ ស្ថិតក្នុងភូមិសេដ្ឋកិច្ច ឃុំឈានមុខ ស្រុកត្បែងមានជ័យ ខេត្តព្រះវិហារ ដឹកនាំកម្លាំងដោយ លោក សុង បញ្ញា នាយសង្កាត់រដ្ឋបាលព្រៃឈើត្បែងមានជ័យ ក្រោមបញ្ជាពីលោក វង្ស វិសិដ្ឋ នាយផ្នែករដ្ឋបាលព្រៃឈើត្បែងមានជ័យ និងក្រោមការអនុញ្ញាតពី នាយខណ្ឌរដ្ឋបាលព្រៃឈើព្រះវិហារ លោក នួន សុខុម ហើយឈើបេងជាង ២០ដុំវែង និងខ្លីនោះ ត្រូវបាន នាំយកមករក្សាទុកនៅផ្នែករដ្ឋបាលព្រៃឈើត្បែងមានជ័យ ដើម្បីកសាងសំណុំរឿង ចាត់ការតាមនៅតិវិធី ៕ ដោយ ៖ ឡុង សំបូរ