ភ្នំពេញ៖ ក្រុមការងារថ្នាក់ជាតិចុះមូលដ្ឋាន ខណ្ឌជ្រោយចង្វារ  រាជធានីភ្នំពេញ បានបើកកិច្ចប្រជុំប្រកាសសមាសភាពក្រុមការងារថ្នាក់ជាតិ និងឆ្លងពង្រាងសមាសភាពក្រុមការងារចុះតាមសង្កាត់ទាំង៥   ដើម្បីទទួលផែនការសម្រាប់អនុវត្ត បន្ត ក្រោមអធិបតីភាព  ឯកឧត្តម  ឯក  សុនចាន់  រដ្ឋមន្ត្រីប្រតិភូអមនាយករដ្ឋមន្ត្រី  ដោយមានសមាជិក-សមាជិកាចូលរួមចំនួន  ៧៨នាក់ ដោយផ្តោតលើរបៀបវារៈចំនួន  ០៤ដូចខាងក្រោមៈ

 ១. អានសេចក្តីសម្រេច  ស្តីពីការបង្កើតក្រុមការងារថ្នាក់ជាតិចុះមូលដ្ឋានខណ្ឌទាំង ១៤

២.អានពង្រាងសមាសភាពក្រុមការងារចុះមូលដ្ឋានសង្កាត់ទាំង៥

៣.កិច្ចពិភាក្សាពេញអង្គ

៤.មតិដឹកនាំរបស់  ឯកឧត្តម  ប្រធានក្រុមការងារថ្នាក់ជាតិ  ចុះមូលដ្ឋានខណ្ឌជ្រោយចង្វារ។

ពិធីនេះបានធ្វើឡើង នាថ្ងៃសុក្រ ០៦កើត ខែអស្សុជ  ឆ្នាំកុរ  ឯកស័ក  ព.ស.២៥៦៣ ត្រូវនឹងថ្ងៃទី០៤ ខែ តុលា ឆ្នាំ២០១៩  វេលាម៉ោង០៨:៣០នាទីព្រឹក៕