តៃប៉ិ៖ រដ្ឋាភិបាលជាន់ខ្ពស់តៃវ៉ាន់ និងមន្ត្រីអាមេរិក បាននិយាយថា ប្រធានសភាតំណាងរាស្រ្តអាមេរិកលោកស្រី Nancy Pelosi ត្រូវបានគេរំពឹងថា នឹងធ្វើទស្សនកិច្ចនៅកោះតៃវ៉ាន់ ដែលជាផ្នែកមួយ នៃដំណើរទេសចរណ៍នៅអាស៊ីរបស់លោកស្រី ។

ការរំពឹងទុកខាងលេីនេះបានកេីតឡេីងបេីទោះបីជាមានការព្រមានពីមន្ត្រីរដ្ឋបាលលោក ចូ បៃដិន ដែលមានការព្រួយបារម្ភអំពីការឆ្លើយតបរបស់ប្រទេសចិន ចំពោះដំណើរទស្សនកិច្ចជាន់ខ្ពស់បែបនេះក៏ដោយ។

មន្ត្រីតៃវ៉ាន់បានឱ្យដឹងថា លោកស្រី Pelosi ត្រូវបានគេរំពឹងថា នឹងស្នាក់នៅតៃវ៉ាន់មួយយប់។ យ៉ាងណាមិញ វាមិនច្បាស់ទេថាតេីលោកស្រី Pelosi នឹងចុះចតនៅតៃប៉ិនៅពេលណា។

មន្ត្រីអាមេរិក បានបន្ថែមថា មន្ត្រីក្រសួងការពារជាតិកំពុងធ្វើការពេញម៉ោងលើការត្រួតពិនិត្យរាល់សកម្មភាពរបស់ចិននៅក្នុងតំបន់ និងធានានូវផែនការដើម្បីរក្សាសុវត្ថិភាពជូនលោកស្រី Pelosi៕ ប្រភព៖ CNN ប្រែសម្រួល៖ ទីណា និងបុត្រា