កាលីហ្វ័រញ៉ា៖ ក្រុមមន្ត្រីបាននិយាយនៅថ្ងៃអង្គារសប្តាហ៍នេះថា ក្រុមស្វែងរកបានរកឃើញសាកសពពីរបន្ថែមទៀត នៅក្នុងតំបន់មួយដែលឆេះដោយភ្លើងឆេះព្រៃរយៈពេលប្រាំថ្ងៃ មកហើយ នៅភាគខាងជើងរដ្ឋកាលីហ្វ័រញ៉ា ក្បែរព្រំដែនរដ្ឋអូរីហ្គិន ដែលនាំឱ្យចំនួនមនុស្សស្លាប់ចំនួនបួននាក់នៅក្នុងភ្លើងឆេះ ដ៏ធំបំផុតរបស់រដ្ឋ ក្នុងឆ្នាំនេះ។

ជនរងគ្រោះពីរនាក់ចុងក្រោយបំផុតត្រូវបានគេរកឃើញ កាលពីថ្ងៃចន្ទ នៅផ្ទះដាច់ដោយឡែកមួយតាមបណ្តោយផ្លូវហាយវេដែលរត់កាត់តំបន់ភ្លើងក្នុងព្រៃជាតិ Klamath ចម្ងាយប្រហែល 300 ម៉ាយល៍ (483 គីឡូម៉ែត្រ) ភាគខាងជើងនៃទីក្រុង San Francisco នេះបើយោងតាមសេចក្តីថ្លែងការណ៍ដែលចេញដោយការិយាល័យតម្រួត Siskiyou ។

មន្ត្រីតម្រួតបាននិយាយ កាលពីថ្ងៃចន្ទថា អដ្ឋិធាតុមនុស្សពីរនាក់ផ្សេងទៀត ដែលទំនងជាព្យាយាមរត់គេចពីភ្លើងនៅនាទីចុងក្រោយ ត្រូវបានរកឃើញកាលពីថ្ងៃអាទិត្យ នៅក្នុងរថយន្តដែលឆេះ ដែលរត់ចេញពីផ្លូវនៃផ្ទះមួយផ្សេងទៀតតាមបណ្តោយផ្លូវហាយវេដូចគ្នានេះ ៕ ប្រភពពី VNexpress, ដោយ៖ សារ៉ាត