សម្តេចតេជោ ហ៊ុន សែន បានបង្ហាញនូវមោទនភាព នៃកិច្ចប្រឹងប្រែងលើវិស័យអប់រំដោយសារ តែក្នុងអម្លុងពេលនៃការបិទសាលាដោយសារខ្លាចមានការឆ្លងវិបត្តិវិបត្តិកូវីដ១៩នោះ សិស្ស របស់កម្ពុជាបានទទួលបទពិសោធន៍នៃការរៀនអនឡាញ។

ការរៀនអនឡាញនេះ គឺជាលើកដំបូងរបស់សិស្សកម្ពុជា ប៉ុន្តែជាមួយនឹងកិច្ចប្រឹងប្រែងរបស់ក្រសួងអប់រំសហការជាមួយនឹង ក្រសួងព័ត៌មាន សិស្សរបស់កម្ពុជាដែលគេបារម្ភថាមិនអាចរៀនល្អតាមប្រព័ន្ធអនឡាញនោះ បែរជាបង្ហាញនូវលទ្ធផលជាទីពេញចិត្តនោះទៅវិញ។ សម្តេចតេជោ ហ៊ុន សែន បានមានប្រសាសន៍បញ្ជាក់នៅក្នុងពិធីប្រគល់សញ្ញាបត្រជូននិស្សិតជ័យលាភីរបស់សកលវិទ្យាល័យ អាស៊ីអឺរ៉ុបថ្ងៃទី២៣សីហានេះ។

អង្គការយូនីសេហ្វ បានថ្លែងថាក្នុងតំបន់អាស៊ីខាងកើត វិបត្តិនៃជម្ងឺឆ្លងកូវីដ១៩ដែលនាំ ឱ្យ មានការបិទសាលារៀន បានធ្វើឱ្យប៉ះពាល់ដល់សិស្សប្រមាណ៣២៥លាននាក់។ ប្រទេសមួយចំនួនដូចជាប្រទេសហ្វីលីពីននោះជាដើម, ការបើកសាលារៀនសាឡើងវិញក្រោយការ ឆ្លងវិបត្តិកូវីដ១៩ ទើបតែចាប់ផ្តើមកាលពីដើមសប្តាហ៍នេះទេ ក្រោយមានការបិទសាលារយៈ ពេល២ឆ្នាំកន្លងមកនេះ។