រុស្ស៊ី៖ជាប្រទេសកាន់តែឯកោដូចគ្នា មីយ៉ាន់ម៉ានិងរុស្ស៊ីបានសម្តែង ការ គាំទ្រគ្នាទៅវិញទៅមក។ នៅថ្ងៃពុធ ទី៧ ខែកញ្ញា ឆ្នាំ២០២២ មេដឹកនាំនៃប្រទេសទាំងពីរ បានជួបពិភាក្សាគ្នាដោយផ្ទាល់ ជា លើកដំបូង ចាប់តាំងពីមានរដ្ឋប្រហារនៅមីយ៉ាន់ម៉ា និងការឈ្លានពាន របស់រុស្ស៊ីទៅលើអ៊ុយក្រែន។ លោកប្រធានាធិបតីរុស្ស៊ី គឺជាមេដឹកនាំ ប្រទេសទី២ បន្ទាប់ពីសម្តេចេជោ ហ៊ុន សែន នាយករដ្ឋមន្ដ្រីកម្ពុជា ដែលបានជួបប្រមុខដឹកនាំរបបយោធាមីយ៉ាន់ម៉ា ចាប់តាំងពីមាន រដ្ឋប្រហារនៅប្រទេសនេះមក។

នៅអំឡុងពេលចូលរួមវេទិកាសេដ្ឋកិច្ច «The Eastern Economic Forum» ក្នុងទីក្រុងវ្លាឌីវ៉ូស្តុក នៅប្រទេសរុស្ស៊ី មេដឹកនាំមីយ៉ាន់ម៉ា លោក មីង អ៊ុងឡាំង បានជួបពិភាក្សាការងារដោយផ្ទាល់ ជាមួយ ប្រធានាធិបតីរុស៊្សី លោក វ្លាឌីមៀ ពូទីន។ ជំនួបគ្នាដោយផ្ទាល់ លើក ទី១នេះ ជាសញ្ញាបង្ហាញកាន់តែច្បាស់ពីចំណងមិត្តភាព ស៊ីជម្រៅរវាង ប្រទេសទាំងពីរ។

ទីភ្នាក់ងារសារព័ត៌មាន RIA រុស្ស៊ី បានដកស្រង់សម្តី លោក ប្រធានាធិបតីរុស្ស៊ី ពូទីន ដែលអះអាងនៅក្នុងជំនួបនោះថា ទំនាក់ ទំនងរវាងមីយ៉ាន់ម៉ានិងរុស្ស៊ី កំពុងដើរលើផ្លូវវិជ្ជមាន។ ចំណែក បណ្តា សារព័ត៌មានរបស់ប្រទេសទាំងពីរវិញ ផ្សាយឲ្យដឹងថា ជំនួបគ្នាដោយ ផ្ទាល់រវាងមេដឹកនាំរុស្ស៊ីនិងមីយ៉ាន់ម៉ានេះ នឹងជួយពង្រឹងដល់កិច្ច សហប្រតិបត្តិការផ្នែកសេដ្ឋកិច្ចដែលកំពុងរងសម្ពាធពីពិភពលោក។ ទំនាក់ទំនងផ្នែកសេដ្ឋកិច្ចរវាងមីយ៉ាន់ម៉ា និងរុស្ស៊ី ដែលព្រមព្រៀង គ្នានោះ មានជាអាទិ៍ ការហោះហើរត្រង់រវាងប្រទេសទាំងពីរ ការជំរុញ វិស័យទេសចរណ៍ និងពាណិជ្ជកម្មប្រេងឧស្ម័នជាដើម។
ថ្លែងប្រាប់លោក ពូទីន នៅក្នុងជំនួបដោយផ្ទាល់នោះ លោក មីង អ៊ុងឡាំង បានគូសបញ្ជាក់ថា មីយ៉ាន់ម៉ាបានត្រៀមខ្លួនរួចជា ស្រេច ក្នុងនាំចូលប្រេងឥន្ធនៈពីរុស្ស៊ី ដោយគិតជារូបិយបណ្ណ «រូប្លិ៍» របស់ រុស្ស៊ី។ គួរជ្រាបថា ផែនការនាំចូលប្រេងឥន្ធនៈរុស្ស៊ីនេះ ត្រូវបាន របបយោធាមីយ៉ាន់ម៉ាប្រកាសជាសាធារណៈ កាលពីខែសីហា កន្លងទៅ ដើម្បីដោះស្រាយបញ្ហាកង្វះខាតនៃការផ្គត់ផ្គង់ថាមពល នៅក្នុងប្រទេសមីយ៉ាន់ម៉ា។
សូមជម្រាបថា នាមួយរយៈពេលចុងក្រោយនេះ មីយ៉ាន់ម៉ា និងរុស្ស៊ី បានពង្រឹងទំនាក់ទំនងរវាងគ្នាកាន់តែខ្លាំង តាមរយៈការផ្លាស់ប្ដូរ ដំណើរទស្សនកិច្ចនៃមន្ដ្រីជាន់ខ្ពស់នៃប្រទេសទាំងពីរ។ មីយ៉ាន់ម៉ា បានចាប់យករុស្ស៊ីជាបង្អែក ដោយទិញប្រេង និងគ្រឿងសព្វាវុធ ពីរុស្ស៊ី។ ជាការតបស្នង រុស្ស៊ីបានប្រកាសចេញមុខជាផ្លូវការ ទទួលស្គាល់ និងគាំទ្ររបបយោធាភូមា ដឹកនាំដោយលោក មីន អ៊ុងឡាំង។

បើតាមមន្ត្រីជាន់ខ្ពស់ផ្នែកសិទ្ធិមនុស្សនៅភូមារបស់អង្គការសហប្រជាជាតិ កាលពីដើមឆ្នាំនេះថា ប្រទេសរុស្ស៊ីគឺជារដ្ឋមួយក្នុង ចំណោម រដ្ឋចំនួនបី ក្រៅពីចិននិងស៊ែប៊ី ដែលបានផ្គត់ផ្គង់អាវុធឱ្យ ប្រទេស មីយ៉ាន់ម៉ា ចាប់តាំងពីមានរដ្ឋប្រហារមក បើទោះបីជាបាន ដឹងរួច ទៅហើយថា អាវុធទាំងនោះត្រូវយកទៅប្រើប្រាស់ប្រឆាំង ជនស៊ីវិលក៏ ដោយ៕
ដោយ៖បណ្តូល ពេជ្រ