សម្តេចតេជោ ហ៊ុន សែន បានថ្លែងថា តំបន់រមណីយដ្ឋានអង្គរពេលដាក់ចូលបញ្ជី សម្បត្តិបេតិកភណ្ឌពិភពលោកនៅឆ្នាំ១៩៩២ហើយនោះ ត្រូវតែអនុវត្តន៍តាមលក្ខន្តិកៈ ទាំងឡាយកំណត់ដោយអង្គការយូណេស្កូ និង ណែនាំឱ្យត្រៀមដីជាគោលនយោបាយ ដើម្បីចែកឱ្យកូនៗពលរដ្ឋព្រមរើសំណង់ចេញពីតំបន់រមណីយដ្ឋានអង្គរនៅពេលបែកគ្រួសារ។

ការបញ្ជាក់នេះ ធ្វើឡើង ក្នុងពិធី សំណេះសំណាលជាមួយប្រជាពលរដ្ឋដែលបាន ស្ម័គ្រចិត្តរើលំនៅដ្ឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ដែលពិធីនេះ ធ្វើឡើងនៅភូមិតានី ឃុំរុនតាឯក ស្រុកបន្ទាយស្រី ខេត្តសៀមរាប នាព្រឹកថ្ងៃទី១៣ ខែកញ្ញា ឆ្នាំ២០២២។