បាងកក៖ ប្រទេសថៃបានប្រកាសពីការមានអ្នកជំងឺកូវីដ១៩ ស្លាប់ចំនួន ១១នាក់ទៀត ក្នុងពេល២៤ម៉ោងចុងក្រោយ នេះបើតាមក្រសួងសុខាភិបាលប្រកាសឲ្យដឹង នាព្រឹកថ្ងៃទី១៩ កញ្ញា ២០២២។

ក្រៅពីនេះ ក៏មានរកឃើញអ្នកឆ្លងកូវីដ១៩ថ្មីៗ ចំនួន ២៤២នាក់ទៀត ប៉ុន្តែក៏មានអ្នកជំងឺ ចំនួន ១១០៥នាក់ទៀតបានជាសះស្បើយ និងចាកចេញពីមន្ទីរពេទ្យ។

ចំនួនមនុស្សស្លាប់ដោយសារកូវីដ១៩ នៅប្រទេសថៃបានកើនដល់ ៣២៦៤០នាក់ហើយ។ រីឯករណីឆ្លងសរុបនៅថៃ កើនដល់ ៤,៦៧៣,៦២៩នាក់ ជាសះស្បើយវិញ ចំនួន៤,៦៣២,៦៤៩ គិតត្រឹមព្រឹកថ្ងៃទី១៩ កញ្ញា៕ ប្រភពពីបាងកកប៉ុស្តិ៍, ដោយ៖ សារ៉ាត