បាងកក៖ អណ្តាតភ្លើងបានឆាបឆេះចេញពីឡភ្លើងបណ្តោះអាសន្ននៅល្ងាចថ្ងៃអង្គារ ទី១០ ខែតុលា ឆ្នាំ២០២២ ក្នុងពិធីបូជាសពកុមារតូចៗ និងជនរងគ្រោះផ្សេងទៀតនៃការសម្លាប់រង្គាលកាលពីសប្តាហ៍មុន នៅឯមជ្ឈមណ្ឌលថែទាំថ្ងៃមួយ នៅជនបទភាគឦសានប្រទេសថៃ ដែលជាការបញ្ចប់ពិធីបុណ្យសពតាមបែបព្រះពុទ្ធសាសនា រយៈពេលបីថ្ងៃ។

ហ្វូងមនុស្សបានប្រមូលផ្តុំគ្នាជុំវិញទីក្រុង Uthai Sawan ដើម្បីដាក់កម្រងផ្កា និងចូលរួមជាជួរនៃអ្នកកាន់ទុក្ខដើម្បីគោរពវិញ្ញាណក្ខន្ធចុងក្រោយរបស់ពួកគេចំពោះអ្នកស្លាប់ក្នុងការវាយប្រហារដោយកាំភ្លើង និងកាំបិតរយៈពេល ៣ ម៉ោងដោយអតីតទាហាននគរបាលក្រុងបាងកក ដែលជាការសម្លាប់រង្គាលដ៏អាក្រក់បំផុតនៅក្នុងប្រវត្តិសាស្រ្តនាពេលថ្មីៗនេះ របស់ប្រទេសថៃ។

ការវាយប្រហារកាលពីថ្ងៃព្រហស្បតិ៍កន្លងទៅបានសម្លាប់មនុស្ស ៣៦នាក់ ក្នុងនោះ មានកុមារ ២២នាក់។ មឈូសពណ៌សត្រូវបានសាច់ញាតិ និងមន្ត្រីប៉ូលីសដឹកម្តងមួយៗទៅកាន់កន្លែងបូជានៅតាមបណ្តោយផ្លូវដែលមានអ្នកកាន់ទុក្ខ។ សមាជិកគ្រួសារដឹកនាំក្បួនដង្ហែយករូបអ្នកស្លាប់ជាគ្រូបង្រៀន និងកុមារ ១៨នាក់អាយុចន្លោះពី២ទៅ៥ឆ្នាំ។

“បំណងរបស់យើងគឺចង់បញ្ជូនកូនៗ និងគ្រូរបស់ពួកគេទៅឋានសួគ៌ គ្រូនឹងដឹកនាំ ហើយក្មេងៗទាំង 18នាក់នឹងដើរតាមគន្លងរបស់នាងទៅកាន់ឋានសួគ៌តាមជំនឿរបស់យើង និងបំណងប្រាថ្នារបស់ឪពុកម្តាយពួកគេ និងមនុស្សគ្រប់គ្នានៅទីនេះដើម្បីបញ្ជូនពួកគេទៅ» នេះគឺជាសង្ឃដីការបស់ព្រះចៅអធិការវត្ត Prakru Adisai Kijjanuwat នៅពេលពិធីចាប់ផ្តើម។

មឈូសត្រូវបានគេដាក់នៅលើប្រាសាទ pyres ដែលទើបសាងសង់ឡើង ពីឥដ្ឋ ហើយមានផ្កា និងក្រណាត់តុបតែងពណ៌ខ្មៅ និងស ក្នុងនោះ មានរូបភាពអ្នកស្លាប់ ដែលខ្លះអមដោយប្រដាប់ក្មេងលេង៕ ប្រភពពី The Nation, ដោយ៖ សារ៉ាត