ភ្នំពេញ៖ ក្រសួងប្រៃសណីយ៍ និងទូរគមនាគមន៍កម្ពុជា កាលពីថ្ងៃទី ១២ ខែ តុលា ឆ្នាំ២០២២ បានចេញសេចក្តីជូនដំណឹងមួយស្តីពីការការឈប់លក់គេស្តរហ័សអង់ទីហ្សែនកូវីដ-១៩ បន្ទាប់ពីក្រសួងមួយនេះបានមើលឃើញថាការរីករាលជំងឺកាចសាហាវមួយនេះបានធូរស្បើយវិញរួចមក។

បើយោងតាមសេចក្តីជូនដំណឹងនេះបានបញ្ជាក់ថា ៖“ប្រៃសណីយ៍កម្ពុជា មានកិត្តិយសសូមជម្រាបជូនដំណឹងដល់សាធារណៈជនមេត្តាជ្រាបថា ដោយ ពិនិត្យឃើញស្ថានភាពជម្ងឺកូវីដ-១៩ មានការថមថយ ប្រៃសណីយ៍កម្ពុជានឹងឈប់លក់តេស្តរហ័សអង់ទីហ្សែន កូវីដ-១៩(Covid-19 Rapid Antigen Test) ក្នុងពេលឆាប់ៗខាងមុខនេះ”។ អាស្រ័យដូចបានជម្រាបជូនខាងលើ សូមសាធារណៈជនទាំងអស់ជ្រាបជាព័ត៌មាន៕ដោយ៖ម៉ាដេប៉ូ