ភ្នំពេញ៖ សម្តេចតេជោ ហ៊ុន សែន នឹងធ្វើដំណើរទៅកាន់ខេត្ត ៤ ជុំវិញបឹងទន្លេសាបនិងជាប់ព្រំដែនថៃ ដើម្បីដោះស្រាយជូនប្រជាជន ដែលរងគ្រោះដោយជំនន់ទឹកភ្លៀង។ នេះបើតាមទំហ្វេសប៊ុករបស់សម្ដេចតេជោនាយករដ្ឋមន្ត្រី នៅព្រឹកថ្ងៃទី១៨ ខែតុលា ឆ្នាំ២០២២។

សម្តេចតេជោ ហ៊ុន សែន សរសេរដូច្នេះថា៖ បន្ទាប់ពីទទួលប្រធានាធិបតីទីម័រឡេសថ្ងៃ២០តុលា ខ្ញុំនឹងធ្វើដំណើរទៅកាន់ខេត្តចំនួន៤ គឺសៀមរាប បន្ទាយមានជ័យ បាត់ដំបង និងពោធិ៍សាត់ដោយប្រើពេល៥ថ្ងៃ៤យប់។

ដំណើរទៅលើកនេះ សំខាន់ជួប និងដោះស្រាយជូនប្រជាជនដែលរងគ្រោះដោយជំនន់ទឹកភ្លៀង។

សម្ដេចបន្តថា ត្រៀមខ្លួនហត់នឿយកិច្ចការក្នុងប្រទេស មុននឹងហត់កិច្ចការអន្តរជាតិ ដែលមាន ASEAN.G20.APEC ក្នុងខែវិច្ចកាខាងមុខ៕ ដោយ វណ្ណលុក (ប្រភពហ្វេសប៊ុក)