ភូកេត៖ ភ្លៀងធ្លាក់ឥតឈប់ឈរ ទឹកជំនន់ ដីភក់ និងដាច់ភ្លើងបានបន្តញាំញីកោះទេសចរណ៍ភាគខាងត្បូងនេះ នាថ្ងៃពុធ ទី១៩ ខែតុលា ឆ្នាំ២០២២នេះ។

អាជ្ញាធរខេត្តបានប្រកាសតំបន់គ្រោះមហន្តរាយក្នុងស្រុក Kathu, Muang និង Thalang ដើម្បីសម្រួលដល់ការផ្តល់ជំនួយ។ ភូមិកាម៉ាឡា ក្នុងស្រុកកាធូ រងការរអិលបាក់ដី បាក់

បង្គោលភ្លើង។ មន្ត្រីអគ្គិសនីសង្ឃឹមថា ពួកគេអាចស្តារថាមពលឡើងវិញ នៅល្ងាចថ្ងៃពុធនេះ។ ក៏មានការរអិលបាក់ដីនៅវត្ត Bang Thong នៅ Tambon Kathu ។

ក្រៅស្រុកកាធូ មានទឹកជំនន់នៅឃុំស្រីស៊ុនថន និងឃុំចុងថាល ស្រុកថាឡាង។ ផ្លូវ Thepkasattri ក្បែរអាកាសយានដ្ឋាន Phuket ស្ថិតនៅក្រោមទឹក ហើយមានការរអិលបាក់ដី នៅលើផ្លូវ Ban Phak Cheet-Ban Liporn ក្នុង tambon Pa Khlok។ នៅឃុំស្រីស៊ុនថន ទឹកជំនន់ខ្លាំងបានបំផ្លាញស្ពានមួយកន្លែង ខណៈ ស្ពានបណ្ដោះអាសន្នមួយត្រូវបានសាងសង់ដោយរង់ចាំការសាងសង់ឡើងវិញ ។

នៅក្នុងស្រុក Muang ទឹកជំនន់បានបង្កការព្រួយបារម្ភក្នុងតំបន់អាជីវកម្មនៃក្រុង Phuket។ ប្រឡាយKhong Bang Yai បានហៀរលើផ្លូវ Montree និង Phuket។ ក៏មានការរអិលបាក់ដីនៅលើផ្លូវ Ao Yon-Khao Khat ក្នុង tambon Wichit ផងដែរ។

ភ្លៀងធ្លាក់ជាបន្តបន្ទាប់ និងទឹកជំនន់ត្រូវបានគេព្យាករណ៍ថា នឹងបន្តនៅភូកេត រហូតដល់ថ្ងៃព្រហស្បតិ៍ ឬថ្ងៃសុក្រ ដោយសារតែឥទ្ធិពលនៃព្យុះ Nesat នៅសមុទ្រចិនខាងត្បូង និងប្រព័ន្ធសម្ពាធខ្ពស់ពីក្រៅប្រទេស នេះបើតាមលោក Udomporn Kan ប្រធានផ្នែកបង្ការ និងកាត់បន្ថយគ្រោះមហន្តរាយនៃខេត្ត Phuket៕ ប្រភពពីបាងកកប៉ុស្តិ៍ , ដោយ៖ សារ៉ាត