ឡុងដ៍៖ ប្រជាជនក្នុងប្រទេសអង់គ្លេស និងមេដឹកនាំពិភពលោកកំពុងមានប្រតិកម្មចំពោះការលាលែងពីតំណែងរបស់លោកស្រី Liz Truss ក្នុងនាមជានាយករដ្ឋមន្រ្តីអង់គ្លេស។ មនុស្សមួយចំនួននៅទីក្រុងឡុងដ៍និយាយថា វាជារឿងមិននឹកស្មានដល់នោះទេ។

បុរសម្នាក់ដែលមានអាយុ ៥០ឆ្នាំបាននិយាយថា “វាជារឿងអកុសល ប៉ុន្តែខ្ញុំគិតថាយើងក៏បានឃើញហើយមកដែរ ដូច្នេះសង្ឃឹមថា នឹងមាន អ្វីកាន់តែប្រសើរឡើង បន្ទាប់ពីរឿងនេះ”។ ស្ត្រីម្នាក់ដែលមានអាយុ២០ ឆ្នាំបាននិយាយថា “ឥឡូវនេះ យើងត្រូវការនរណាម្នាក់ដែលនឹងធ្វើការងារនេះឱ្យបានត្រឹមត្រូវ ហើយអ្នកដឹងទេថា អ្នកផ្សេងទៀតចាប់អារម្មណ៍” ។

ប្រធានាធិបតីបារាំង លោក Emmanuel Macron មានប្រសាសន៍ថា លោកសង្ឃឹមថា មេដឹកនាំបន្ទាប់របស់ចក្រភពអង់គ្លេស នឹងបញ្ចប់អស្ថិរភាព។ លោកបាននិយាយថា “ក្នុងកម្រិតផ្ទាល់ខ្លួន ខ្ញុំតែងតែសោកសៅនៅពេលឃើញមិត្តរួមការងារទៅ ហើយអ្វីដែលខ្ញុំចង់និយាយ គឺខ្ញុំចង់ឱ្យស្ថេរភាពត្រឡប់មកវិញ ឱ្យបានឆាប់តាមដែលអាចធ្វើទៅបាន” ។

ប្រធានាធិបតីអាមេរិក លោក Joe Biden បានចេញសេចក្តីថ្លែងការណ៍មួយបន្ទាប់ពីការលាលែងពីតំណែង។ លោកបាននិយាយថា សហរដ្ឋអាមេរិកនឹងបន្តទំនាក់ទំនងជិតស្និទ្ធរបស់ខ្លួនជាមួយចក្រភពអង់គ្លេស មិនថាអ្នកណាជំនួសលោកស្រី Truss ជានាយករដ្ឋមន្ត្រីនោះទេ៕ ប្រភពពី NHK , ដោយ៖ សារ៉ាត