ហាណូយ៖ ទិន្នន័យរបស់រដ្ឋាភិបាលបានបង្ហាញ នៅថ្ងៃសៅរ៍ ទី២៩ តុលា ២០២២នេះថា ការនាំចេញអង្កររបស់វៀតណាម ក្នុងអំឡុងពីខែមករា ដល់ខែតុលាត្រូវបានប៉ាន់ប្រមាណថា បានកើនឡើងប្រហែល ១៧.២% បើធៀបនឹងពេលដូចគ្នា កាលពីឆ្នាំមុន ពោលមានចំនួនសរុបដល់ ៦.០៧ លានតោន។

ប្រាក់ចំណូលបានមកពីការនាំចេញអង្ករ ក្នុងរយៈពេលនេះត្រូវបានគេមើលឃើញថា កើនឡើង ៧.៤% ដល់ ២.៧ ពាន់លានដុល្លារ។

ការនាំចេញអង្ករនៅខែតុលា ពីប្រទេសវៀតណាម ដែលជាប្រទេសនាំចេញគ្រាប់ធញ្ញជាតិឈានមុខគេមួយរបស់ពិភពលោកទំនងជាមានចំនួន ៧០ម៉ឺនតោន ដែលមានតម្លៃ ៣៣៤លានដុល្លារ៕ ប្រភពពី VNexpress, ដោយ៖ សារ៉ាត