ដាកា៖ ធនាគារបង់ក្លាដែស បានដំណើរការគម្រោងការប្រាក់៥០ ពាន់លានតាកា (ប្រហែល៥០០ លានដុល្លារអាមេរិក) ដើម្បីធានាសន្តិសុខស្បៀងនៅក្នុងប្រទេស ខណៈដែលនិយតករធនាគាររំពឹងថា នឹងមានវិបត្តិស្បៀងអាហារសកលដែលអាចកើតមាននៅក្នុង នេះបើតាមសារាចររបស់ ធនាគារបង់ក្លាដែស (BB) ដែលចេញ កាលពីថ្ងៃព្រហស្បតិ៍។

តម្លៃនៃមុខម្ហូបជាច្រើនបានឡើងថ្លៃនៅក្នុងទីផ្សារពិភពលោក ដែលជាមូលហេតុដែលធនាគារកណ្តាលបានបង្កើតមូលនិធិសម្រាប់កសិករដើម្បីទទួលបានប្រាក់កម្ចីតម្លៃទាប។

ក្រោមគម្រោងនេះ កសិករនឹងអាចខ្ចីប្រាក់ក្នុងអត្រាការប្រាក់ ៤ ភាគរយ។ ធនាគារនឹងត្រូវបានអនុញ្ញាតឱ្យយកប្រាក់កម្ចីក្នុងអត្រាការប្រាក់ ០.៥ ភាគរយ ពីមូលនិធិនេះ មានន័យថា ពួកគេនឹងរីករាយជាមួយនឹងអត្រាការប្រាក់ ៣.៥ ភាគរយបន្ទាប់ពីបញ្ចេញមូលនិធិ ដល់កសិករ។

កសិករតូចតាចអាចខ្ចីកម្ចីដោយគ្មានវត្ថុបញ្ចាំតែមួយរហូតដល់អតិបរមា ២លានតាកា (ប្រហែល ជាង ២៥០០០ដុល្លារ) សម្រាប់ការដាំដុះដំណាំរួមមានស្រូវ បន្លែ និងផ្លែឈើ៕ ប្រភពពីស៊ីនហួរ, ដោយ៖ សារ៉ាត