ម៉ូហ្គាឌីស៊ូ ៖ កងកម្លាំងសន្តិសុខរបស់ប្រទេសសូម៉ាលីបានផ្លាស់ប្តូរការបាញ់ប្រហារជាមួយពួកសកម្មប្រយុទ្ធដែលជាប់គាំង នៅក្នុងសណ្ឋាគារមួយក្នុងទីក្រុងម៉ូហ្គាឌីស៊ូ (Mogadishu) នៅថ្ងៃចន្ទនេះ បន្ទាប់ពីក្រុមប្រដាប់អាវុធ Al-Shabaab បានវាយលុកទីតាំងដ៏ពេញនិយម នៅជិតវិមានប្រធានាធិបតី ហើយបានកាន់កាប់តំបន់នោះ ពេញមួយយប់ ។

ការបាញ់កាំភ្លើង និងការផ្ទុះជាបន្តបន្ទាប់ នៅតែអាចលឺ បន្ទាប់ពីព្រលឹមស្រាងៗជុំវិញ សណ្ឋាគារ Villa Rose ដែលជាសណ្ឋាគារមួយនៅក្នុងផ្នែកកណ្តាលដ៏មានសុវត្ថិភាពនៃទីក្រុង Mogadishu ដែលជារឿយៗ ត្រូវបានសមាជិកសភា និងមន្ត្រីសាធារណៈស្នាក់នៅ។

នគរបាលបាននិយាយ កាលពីល្ងាចថ្ងៃអាទិត្យថា កងកម្លាំងរដ្ឋាភិបាលកំពុងស្វែងរក “លុបបំបាត់” ក្រុមសកម្មប្រយុទ្ធប្រដាប់អាវុធមួយចំនួន នៅខាងក្នុង Villa Rose បន្ទាប់ពីបានវាយប្រហារសណ្ឋាគារនេះ ដោយគ្រាប់កាំភ្លើង និងការផ្ទុះ។

អ្នកនាំពាក្យនគរបាលជាតិ លោក Sadik Dudishe បាននិយាយថា ជនស៊ីវិល និងមន្ត្រីជាច្រើនត្រូវបានជួយសង្គ្រោះ ប៉ុន្តែមិនបានផ្តល់ព័ត៌មានលម្អិតបន្ថែមនោះទេ៕ ប្រភពពី AFP, ដោយ, សារ៉ាត