ភ្នំពេញ ៖ គ.ជ.ប បានប្រកាសថា នៅថ្ងៃទី០៨ ខែធ្នូ ខាងមុខ នឹងផុតកំណត់ ការពិនិត្យឈ្មោះ និងចុះឈ្មោះបោះឆ្នោតក្នុងបញ្ជី ឆ្នាំ២០២២។ អ្នកមានឈ្មោះក្នុងបញ្ជីបោះឆ្នោតឆ្នាំ២០២២នេះ មានឈ្មោះ និងមានសិទ្ធិចូលរួមបំពេញកាតព្វកិច្ចជាប្រជាណលរដ្ឋខ្មែរ បោះឆ្នោតឆ្នោតជ្រើសតាំងតំណាងរាស្រ្ត នៅថ្ងៃ២៣ ខែកក្កដា ឆ្នាំ២០២៣ ខាងមុខ។

យោងតាមសេចក្តីប្រកាសព័ត៌មាន របស់គ.ជ.ប. ស្តីពីលទ្ធផលបណ្ដោះអាសន្ននៃការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២។ គិតមកត្រឹមថ្ងៃទី៣ ខែធ្នូ ឆ្នាំ២០២២ លទ្ធផលបណ្តោះអាសន្ននៃ អ្នកចុះឈ្មោះបោះឆ្នោតថ្មី មានចំនួន ២៥៦ ៥៩៧នាក់។ អ្នកដែលត្រូវលុបឈ្មោះ ចេញពីបញ្ជីបោះឆ្នោត មានចំនួន ២៣៨ ២០៥នាក់ ៕