បាងកក៖ ក្រសួងសុខាភិបាលថៃបានព្រមានប្រជាពលរដ្ឋ កុំពិសាគ្រឿងស្រវឹង ដើម្បីរក្សាកម្តៅក្នុងរដូវត្រជាក់។

លោកវេជ្ជបណ្ឌិត Manus Potaporn អគ្គនាយករងនៃ អគ្គនាយកដ្ឋានសេវាវេជ្ជសាស្រ្ត បាននិយាយ កាលពីថ្ងៃ ព្រហស្បតិ៍ ទី១៥ ខែធ្នូ ឆ្នាំ២០២២ថា “ប្រជាជននៅភាគ ខាងជើងនិងភាគឦសាន ជារឿយៗ មានការយល់ខុសថាការ ផឹកស្រាធ្វើឱ្យរាងកាយមានភាពកក់ក្តៅក្នុងរដូវត្រជាក់” ។
“តាមពិតទៅ ការផឹកស្រាធ្វើឱ្យសរសៃឈាមតូចៗ នៅក្រោម ស្បែករីកធំ ហើយធ្វើឱ្យរាងកាយមានអារម្មណ៍ក្តៅ ប៉ុន្តែបន្ទាប់ មករាងកាយនឹងចុះត្រជាក់លឿនជាងមុន ដែលបណ្តាលឱ្យ មានការថយចុះកម្តៅ ដែលអាចនាំឱ្យខូចសរីរាង្គ និងស្លាប់”។

លោកបានបន្ថែមថា ជាតិអាល់កុលក៏ធ្វើឱ្យប្រព័ន្ធសរសៃ ប្រសាទ កណ្តាលចុះខ្សោយផងដែរ ដោយបង្កើន ហានិភ័យ នៃការដេកលក់ ក្នុងអាកាសធាតុត្រជាក់ ដោយគ្មានសម្លៀក បំពាក់គ្រប់គ្រាន់ ដើម្បីរក្សាភាពកក់ក្តៅ។

លោកក៏បានកត់សម្គាល់ផងដែរ ពីផលប៉ះពាល់អវិជ្ជមាននៃ គ្រឿងស្រវឹងលើគ្រួសារ និងសហគមន៍ ជាពិសេសការផឹកស្រា និងការបើកបរ ដែលជាមូលហេតុចម្បងនៃគ្រោះថ្នាក់ ចរាចរណ៍។

លោកវេជ្ជបណ្ឌិត Sarayuth Boonchaipanitwattana នាយកវិទ្យាស្ថានជាតិ Princess Mother National Treatment on Drug Abuse បានមានប្រសាសន៍ដែរថា ប្រជាពលរដ្ឋគួរតែថែរក្សាខ្លួនក្នុងរដូវត្រជាក់ ដោយស្លៀកពាក់ កក់ក្តៅ បរិភោគអាហារដែលមានសុខភាពល្អ ជាពិសេសបន្លែ និងផ្លែឈើ ផឹកទឹកក្តៅឧណ្ហៗ ហាត់ប្រាណ និងងូតទឹក។ ទឹកក្តៅ ដើម្បីរក្សាសីតុណ្ហភាពរាងកាយរបស់ពួកគេ។

លោក ក៏បានណែនាំកុំឲ្យពិសាគ្រឿងស្រវឹងជាក្រុម ក្នុង កំឡុងពេលបច្ចុប្បន្ន នៃការឆ្លងមេរោគកូវីដ១៩៕
ប្រភពពី The Nation, ប្រែសម្រួល៖ សារ៉ាត