ហាណូយ៖ ការិយាល័យស្ថិតិរបស់ប្រទេសវៀតណាម បានបញ្ជាក់នៅថ្ងៃព្រហស្បតិ៍សប្តាហ៍នេះថា វៀតណាមបានកត់ត្រាកំណត់ត្រាពាណិជ្ជកម្មបរទេសមានទឹកប្រាក់ប្រមាណ ៧៣២.៥ពាន់លានដុល្លារក្នុងឆ្នាំ ២០២២ កើនឡើង ៩.៥ភាគរយពីមួយឆ្នាំទៅមួយឆ្នាំ ជាមួយនឹងអតិរេកពាណិជ្ជកម្មចំនួន ១១.២ពាន់លានដុល្លារ។

ជាក់ស្តែង ចំណូលពីការនាំចេញរបស់ប្រទេសវៀតណាមមានទឹកប្រាក់ប្រមាណ ៣៧១.៨៥ពាន់លានដុល្លារ កើនឡើង ១០,៦ភាគរយ ខណៈដែលចំណូលទទួលបានពីការនាំចូល កើនឡើង ៨,៤ភាគរយពីមួយឆ្នាំទៅមួយឆ្នាំ ដល់ទឹកប្រាក់ ៣៦០,៦៥ពាន់លានដុល្លារ។

ការិយាល័យស្ថិតិរបស់ប្រទេសវៀតណាម បានឱ្យដឹងថា សហរដ្ឋអាមេរិកនៅតែជាអ្នកនាំចូលដ៏ធំបំផុតរបស់វៀតណាម ជាមួយនឹងចំណូលចំនួន ១០៩.១ពាន់លានដុល្លារ ហើយប្រទេសចិនគឺជាអ្នកនាំចេញធំបំផុតរបស់វៀតណាម ជាមួយនឹងប្រាក់ចំណូលចំនួន ១១៩.៣ពាន់លានដុល្លារក្នុងឆ្នាំ ២០២២នេះ៕ ប្រភព៖ ស៊ីនហួរ ដោយ៖ ទីណា