ក្នុងនាម ឯកឧត្តម សាយ សំអាល់ ប្រធានក្រុមការងារថ្នាក់ជាតិ ចុះជួយខេត្តព្រះសីហនុ នាព្រឹកថ្ងៃទី០១ ខែកញ្ញា ឆ្នាំ២០១៩ ឯឧ.តឹករ៉េត សំរេច បានជួបសំណេះសំណាលជាមួយក្រុមការងារគណបក្សប្រជាជនសង្កាត់លេខ១ និងសង្កាត់លេខ៤ ក្រុងព្រះសីហនុ នៅស្នាក់ការគណបក្សខេត្តព្រះសីហនុ ។
គម្រោងជួបសំណេះសំណាលនេះនឹងធ្វើឡើងគ្រប់សង្កាត់ទាំងអស់ដើម្បី៖១.ស្វែងយល់ពីការលំបាក និងបញ្ហាដែលត្រូវបន្តដោះស្រាយ ជូនប្រជាពលរដ្ឋ នៅមូលដ្ឋាន ផ្សព្វផ្សាយសារលទ្ធផល នៃកិច្ចប្រជំគណ  កម្មាធិការកណ្តាល គណបក្សប្រជាជនកម្ពុជា ។ ក្រុមការងារចុះជួយតាមសង្កាត់ទាំងពីរ រួមនឹងអាជ្ញាធរដែនដីបានលើកឡើងស្រដៀងគ្នាថា ទន្ទឹមនឹងការអភិវឌ្ឍគំហុកនេះ បញ្ហាប្រឈមជាច្រើនក៏បានកើតឡើងផងដែរ ដូចជាបញ្ហាបរិស្ថាន ការរៀបចំហេដ្ឋារចនាសម្ពន្ធ័ផ្សេងៗ សន្តិសុខ សណ្តាប់ធ្នាប់ ចរាចរណ៍ … ។ល។
ឯឧ.តឹក រ៉េតសំរេច បានបញ្ជាក់ថា បញ្ហា យើងកំពុងជួបប្រទះ យើងត្រូវរួមគ្នាបន្តដោះស្រាយតាមផែនការរយះពេលវែង និងបន្តដោះស្រាយជាបន្ទាន់នូវបញ្ហាជាក់ស្តែងចំពោះមុខ ដូចដែលឯកឧត្តម សាយ សំអាល់ បានដឹកនាំដោះស្រាយកន្លងមក តាមទស្សវិស័យ និងប្រសាសន៏ដឹកនាំដ៏ខ្ពង់ខ្ពស់ របស់សម្តេចតេ ជោនាយករដ្ឋមន្រ្តី ។
១.ត្រូវ បន្តស្តារអូរដើម្បី រំដោះជំនន់ទឹកភ្លៀង ហើយ ត្រយកចិត្ត ទុកដាក់ ពិនិត្យ សំណង់ របស់ប្រជាពលរដ្ឋដែលរស់នៅលើ អូ នានា និងរកវិធានការសមស្រប ដោះស្រាយបញ្ហានេះ អោយបានល្អ ។
២.ដោះស្រាយបញ្ហាទឹកស្អុយ, នៅតាមអគារពាណិជ្ជកម្មត្រូវដាក់ម៉ាស៊ីនចម្រោះ ដោយឡែកតាមផ្ទះប្រជាពលរដ្ឋតម្រូវអោយបង្ហូរចូលក្នុងលូសាធារណៈបញ្ជូនទៅអាងចម្រោះមុនបញ្ចេញទៅសមុទ្រ។
៣.កសាងផ្លូវឡើងវិញ ដោយត្រូវធ្វើជាផ្លូវបេតុងទាំងអស់ប្រកបដោយគុណភាពមានស្តង់ដារ ដើម្បីធានាការដឹកជញ្ជូនគ្រប់ប្រភេទ ។គម្រោងនេះ សម្តេចតេជោសែន បានសម្រេចផ្តល់២០០លានដុល្លា ដើម្បីស្តារហេដ្ឋារចបាសម្ព័ន្ធផ្លូវថ្នល់ នៅក្រុងព្រះសីហនុ  និង ហេដ្ឋារចនាសម្ពន្ធចាំបាច់ សម្រាប់ ខេត្តព្រះសីហនុ។
៤.ចំពោះសម្រាម នៅតាមភូមិដែលរថយន្តសម្រាមពិបាកចូលយក, ឯកឧត្តម សាយ សំអាល់ នឹង    ផ្តល់ជូនម៉ូតូរឺម៉កដឹកសម្រាម ចេញពីភូមិ មកកាន់ផ្លូវធំ ១ភូមិ ១គ្រឿង ដើម្បីដឹកចេញមកចាក់នៅកន្លែងប្រមូលផ្តុំ។ ឯកឧត្តមបានបន្ថែមទៀតថា ខេត្តព្រះសីហនុ មានសក្តានុពល ជាច្រើនសម្រាប់ការអភិវឌ្ឍ ជាប្រយោជន៏ សម្រាប់ប្រជាពលរដ្ឋ ខេត្តព្រះសីហនុទាំងមូល ដូចជា មានឆ្នេរសមុទ្រ កោះ ជាគោលដៅទេសចរណ៍។ មានកំពង់ផែទឹកជ្រៅ ដែលទាក់ទាញដល់ការអភិវឌ្ឍតំបន់សេដ្ឋកិច្ចពិសេស និងមានអាកាសយានដ្ឋានអន្តជាតិ ជាច្រកទ្វារទៅកាន់ពិភពខាងក្រៅ  ។ បន្ថែមពីលើនេះ ទំនាក់ទំនងល្អដែលកំពុងមានស្រាប់ជាមួយមិត្តចិន រួមទាំងគម្រោងកែលម្អទាំងឡាយដែលកំពុងគិតគូរដោយ ថ្នាក់ដឹកនាំបក្ស និងប្រមុខរាជរដ្ឋាភិបាលនៅពេលនេះ នឹងធ្វើអោយខេត្តព្រះសីហនុ ក្លាយជាមជ្ឈមណ្ឌលសេដ្ឋកិច្ចប្រកបដោយសក្តានុពល និងទំនើប នាពេលអនាគត៕