អាមេរិក៖ អ្នកស្រាវជ្រាវផ្នែកសន្តិសុខបច្ចេកវិទ្យាម្នាក់ បាននិយាយថ្មីៗនេះថា ពួក Hackers បានលួចអាសយដ្ឋានអ៊ីម៉ែលរបស់អ្នកប្រើ Twitter ជាង ២០០ លាននាក់ ហើយបានបង្ហោះនៅលើវេទិកា hacking តាមអ៊ីនធឺណិត។

លោក Alon Gal សហស្ថាបនិកនៃក្រុមហ៊ុនឃ្លាំមើលសុវត្ថិភាពអ៊ីនធឺណិត របស់អ៊ីស្រាអែល Hudson Rock បានសរសេរ តាមរយៈក្រុមហ៊ុនផ្តល់សេវាកម្មអនឡាន LinkedIn (លីងឃីត អ៊ីន)។

លោក Alon Gal បានហៅសកម្មភាពនេះថា “ការលេចធ្លាយដ៏អាក្រក់បំផុតមួយ ដែលលោកមិនធ្លាប់បានឃើញ ។

បណ្តាញទំនាក់ទំនងសង្គម Twitter មិនបានធ្វើអត្ថាធិប្បាយលើរបាយការណ៍ដែល លោក Alon Gal បានបង្ហោះជាលើកដំបូង នៅលើប្រព័ន្ធផ្សព្វផ្សាយសង្គម នៅឡើយទេ ហើយក៏មិនបានឆ្លើយតបទៅនឹងការសាកសួរអំពីការបំពាននេះ ចាប់តាំងពីកាលបរិច្ឆេទណានោះដែរ។ គេក៏មិនដឹងថា នឹងមានសកម្មភាពអ្វីដែល Twitter បានចាត់វិធានការដើម្បីស៊ើបអង្កេត ឬដោះស្រាយបញ្ហានេះ យ៉ាងណានោះ៕

ប្រភព៖ Reuters, ប្រែសម្រួលដោយ៖ សារ៉ាត