ភ្នំណេញ ៖ ដោយអនុវត្តតាមផែនការណែនាំរបស់លោក ចេង មុនីរ៉ា អភិបាលខណ្ឌច្បារអំពៅ កាលពីវេលាម៉ោង៩:០០នាទីព្រឹក ថ្ងៃទី១១ ខែមករា ឆ្នាំ២០២៣នេះ ដោយលោក ហ៊ត គឹមនី អភិបាលរងខណ្ឌច្បារអំពៅ ដឹកនាំកម្លាំងគណៈបញ្ជាការឯកភាពរដ្ឋបាលខណ្ឌ ចុះរៀបចំសណ្តាប់ធ្នាប់ ស្ថិតនៅតាមបណ្តោយផ្លូវលេខ៣៦៩ ចាប់ពីគល់ស្ពានព្រះមុនីវង្សចាស់ រហូតទៅដល់មាត់ទន្លេច្រាំងបាក់ នៅភូមិដើមចាន់១ ក្នុងសង្កាត់ច្បារអំពៅទី២ រាជធានីភ្នំពេញ។

សូមបញ្ជាក់ថា ជាលទ្ធផលវិញ ក្នុងការចុះរៀបចំសណ្ដាប់ធ្នាប់ខាងលើនេះ កម្លាំងជំនាញ បានធ្វើកិច្ចសន្យា និងណែនាំទៅដល់ម្ចាស់ទីតាំង ដែលបានដាក់តុប្រករោងលក់ដូរនៅលើដីសាធារណៈជារបស់រដ្ឋ តម្រូវអោយរុះរើចេញ ដោយទុកពេលអោយក្នុងមួយសប្តាហ៍ គឺពុំអនុញ្ញាតអោយលក់ជាបន្តទៀតនោះឡើយ៕ ដោយ៖ ឆៃហួត