ប្រេស៊ីលី៖ សមាជិកសភាម្នាក់ ដែលគាំទ្រដោយប្រធានាធិបតី ល្វីស អ៊ីណាស៊ីអូ លូឡា ដា ស៊ីលវ៉ា (Luiz Inacio Lula da Silva) ត្រូវបានបោះឆ្នោតជ្រើសរើសជាមេដឹកនាំព្រឹទ្ធសភារបស់ប្រទេសប្រេស៊ីលឡើងវិញ កាលពីថ្ងៃពុធ ដោយទប់ទល់នឹងការប្រកួតប្រជែងពីគូប្រជែងដែលគាំទ្រ ដោយអតីតប្រធានាធិបតីស្តាំនិយម លោក ជែរ បូលសូណារ៉ូ (Jair Bolsonaro) ។

លោក រ៉ូឌ្រីហ្គោ ប៉ាឈេកូ (Rodrigo Pacheco) បានឡើងកាន់តំណែងជាប្រធានសភាជាន់ខ្ពស់ប្រេស៊ីល ដោយបានយកឈ្នះ លោក រ៉ូជឺរីយូ ម៉ារីញ៉ូ (Rogerio Marinho) នៃគណបក្សសេរីនិយម (PL) របស់លោក Bolsonaro ដោយការបោះឆ្នោត ៤៩ ទល់នឹង ៣២ សម្លេង។

លោក Pacheco គឺមកពីគណបក្សប្រជាធិបតេយ្យសង្គមកណ្តាល (PSD) ដែលបានគ្រប់គ្រងផងដែរ ដើម្បីផ្លាស់ប្តូរបក្ស PL ជាគណបក្សធំជាងគេនៅក្នុងព្រឹទ្ធសភា ដែលចូលមកដោយសារឥទ្ធិពលនៃកិច្ចព្រមព្រៀង នៅនាទីចុងក្រោយ។

ប៉ុន្តែសភាដែលបានជាប់ឆ្នោតនៅក្នុងការស្ទង់មតិខែតុលា ដែលបាននាំ លោក Lula ឡើងកាន់តំណែង នៅតែត្រូវបានគ្របដណ្ដប់ដោយពួកអភិរក្សនិយម គឺគណបក្ស PL ជាគណបក្សធំជាងគេនៅក្នុងសភាជាន់ទាប។ នោះគំរាមកំហែងធ្វើឱ្យលំបាកសម្រាប់ លោក Lula ដែលជាអតីតកម្មករដែក អាយុ៧៧ ឆ្នាំបានប្រែក្លាយប្រធានាធិបតីបីដង ដែលបានផ្តួល Bolsonaro យ៉ាងតឹងតែង នៅក្នុងការប្រកួត កាលពីថ្ងៃទី ៣០ ខែតុលា។

សមាជិកសភាចំនួន ៥១៣ អាសនៈ និងព្រឹទ្ធសភា ៨១ អាសនៈ បានស្បថនៅថ្ងៃពុធ ក្នុងពិធីដែលមានការយាមកាមយ៉ាងតឹងរ៉ឹង កើតឡើងតិចជាងមួយខែ បន្ទាប់ពីកុបកម្មបានលុកលុយសភា តុលាការកំពូល និងវិមានប្រធានាធិបតី ដោយអះអាងថា ការឈ្នះរបស់លោក Lula គឺជាការក្លែងបន្លំ៕ ប្រភពពី AFP ប្រែសម្រួលដោយ៖ សារ៉ាត