បេឡារុស៖ប្រធានាធិបតីបេឡារុស លោក Alexander Lukashenko បាននិយាយថា អាវុធនុយក្លេអ៊ែរយុទ្ធសាស្ត្ររបស់រុស្ស៊ី អា​ចនឹងត្រូវបានដាក់ពង្រាយនៅក្នុងប្រទេសបេឡារុស រួមទាំងឃ្លាំងអាវុធនុយក្លេអ៊ែរយុទ្ធសាស្ត្ររបស់រុស្ស៊ីទៀតផង។ ការលើកឡើងនេះ ​ស្របទៅនឹងការថ្លែងរបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) ដែលបានប្រ​កា​សឱ្យដឹងកាលពីសប្ដាហ៍មុនថា រុស្ស៊ីគ្រោងនឹងដាក់ពង្រាយអាវុធនុយក្លេអ៊ែររយៈចម្ងាយខ្លីដែលមានក

ម្លាំងផ្ទុះតូច នៅ​ក្នុងប្រទេសបេឡារុសដែលជាប្រទេសជិតខាងរបស់ខ្លួន។​

អាវុធនុយក្លេអ៊ែរយុទ្ធសាស្ត្រ ដូចជាក្បាលគ្រាប់មីស៊ីល ដែលលោក Lukashenko បានលើកឡើងក្នុងសុន្ទរកថា គឺជាការគំរាមកំហែងកាន់តែខ្លាំងឡើង ប្រសិនបើទីក្រុងមូស្គូសម្រេចបញ្ជូនអាវុធទាំងអស់នោះទៅកាន់ទឹកដីបេឡារុសពិតមែន។

គួរបញ្ជាក់ថា ទាំងប្រធានាធិបតីបេឡារុស និងប្រធានាធិបតីរុស្ស៊ី តែងតែបានចោទប្រកាន់ថា មហាអំណាចលោកខាងលិ​ចមានបំណងចង់កម្ទេចប្រទេសរុស្ស៊ី និងបេឡារុស។ មេដឹកនាំបេឡារុសរូបនេះបានលើកឡើងថា «ប្រសិនបើចាំបាច់ លោក ពូទីន និងខ្ញុំនឹងសម្រេចណែនាំអំពីអាវុធយុទ្ធសាស្ត្រ​

ហើយពួកគេត្រូវតែយល់ឱ្យបានច្បាស់អំពីរឿងនេះ។ សព្វថ្ងៃនេះ ជនបោកប្រាស់នៅបរទេសទាំងអស់នោះ កំ​ពុ​ងព្យាយាមបំផ្លាញពួកយើង»។ លោកបន្ថែមថា «យើងនឹងធ្វើអ្វីៗគ្រប់យ៉ាងដើម្បីការពារប្រទេសរបស់យើង រដ្ឋរបស់យើង និងប្រជាជនរបស់ពួកយើង»។​

មេដឹកនាំរូបនេះបានបន្ថែមថា លោកមិនខ្លាចការដាក់ទណ្ឌកម្មរបស់លោកខាងលិចមកលើប្រទេសបេឡារុសនោះទេ ដោយលោកបានអះអាងថាទីក្រុងមីនស្កិ៍ (Minsk) ត្រូវបានបង្ខំឱ្យធ្វើបែបនេះ ពោលគឺដោយសារតែសម្ពាធរបស់លោ​កខាងលិចដែលមិនធ្លាប់មានពីមុនមក។ លោកក៏បានទទូចថា ការដាក់ពង្រាយអាវុធនុយក្លេអ៊ែរនេះមិនបានបំពានលើកិ​ច្ចព្រមព្រៀងអន្តរជាតិឡើយ។

លោកប្រធានាធិបតី Lukashenko ក៏បានបញ្ជាក់ដែរថា ទីក្រុងមីនស្កិ៍ បានរៀបចំខ្លួនរួចជាស្រេចដើម្បីការពារអធិ​បតេ​យ្យ​ភាពរបស់ខ្លួន តាមរយៈមធ្យោបាយណាមួយដែលចាំបាច់ រួមទាំងអាចនឹងប្រើប្រាស់អាវុធនុយក្លេអ៊ែរទៀតផងដែរ។ លោកបានអះអាងថា ការគាំទ្ររបស់លោកខាងលិចចំពោះទីក្រុងកៀវ (Kyiv) បានបង្កើនលទ្ធភាពដល់ការផ្ទុះសង្គ្រាមនុយក្លេអ៊ែរបន្ថែមទៀត ហើយកងកម្លាំងពិសេសរបស់បេឡារុស កំពុងឈរជើងនៅតាមព្រំដែនភាគខាងត្បូងជាប់នឹងអ៊ុ​យក្រែនដើម្បីការពារការបង្កហេតុណាមួយដែលអាចកើតមានឡើង។​ យ៉ាងណាក៏ដោយ លោក​បាន​អំពាវនាវ​ឱ្យមាន​បទ​ឈប់​បាញ់​ដោយ​គ្មាន​លក្ខខណ្ឌរវាង​រដ្ឋាភិបាលក្រុង​មូស្គូ និងរដ្ឋាភិបា​ល​ក្រុង​កៀវ។ លោកបានមានប្រសាសន៍ថា ៖ «យើងត្រូវតែបញ្ឈប់ឥឡូវនេះ មុនពេលជម្លោះកាន់តែខ្លាំងផ្ទុះឡើង។ ខ្ញុំ​​ស្នើ​ឱ្យ​បញ្ចប់​

ការសម្លាប់គ្នាបន្ថែមទៀត ហើយសុំឱ្យមានការបង្កើត​បទ​ឈប់​បាញ់ឡើង»។

ប្រធានាធិបតីដែលបានឡើងកាន់អំណាចចាប់តាំងពីឆ្នាំ១៩៩៤ រូបនេះបានបន្ថែមថា  «ការកសាងទឹកដីឡើងវិញ ស​ន្តិសុខ និងបញ្ហាទាំងអស់ គួរតែត្រូវបានដោះស្រាយនៅលើតុចរចាដោយគ្មានលក្ខខណ្ឌ»។ លោកបន្តថា ជាលទ្ធផលនៃកិច្ចខិតខំប្រឹងប្រែងរបស់សហរដ្ឋអាមេរិក និងផ្កាយរណបរបស់ពួកគេ បានបង្កឱ្យកើតមានសង្រ្គាមទ្រង់ទ្រាយធំមួយផ្ទុះឡើង ហើយសង្គ្រាមលោកលើកទីបី ជាមួយនឹងភ្លើងអាវុធនុយក្លេអ៊ែរ កំពុងតែឈានជិតមកដល់។​

ដោយឡែក វិមានក្រឹមឡាំងបានបដិសេធការអំពាវនាវរបស់លោក Lukashenko កាលពីថ្ងៃសុក្រ ដែលថាចង់ឱ្យមានសន្តិភាពឡើងវិញ ។នេះបើយោងតាមការលើកឡើងរបស់អ្នកនាំពាក្យរុស្ស៊ីលោក ឌីមីទ្រី ប៉េស្កូវ (Dmitry Peskov)។  អ្នកនាំពាក្យរូបនេះបាននិយាយថា គ្មានអ្វីផ្លាស់ប្តូរនៅក្នុងបរិបទអ៊ុយក្រែននោះទេ ហើយប្រតិបត្តិការ​យោធា​ពិសេ​ស​នឹងនៅតែ​បន្ត ព្រោះ​នេះ​ជា​មធ្យោបាយ​តែ​មួយ​គត់​ដើម្បី​សម្រេច​បាន​គោលដៅ​ដែល​រុស្ស៊ី​មាន​សព្វ​ថ្ងៃ។​ គួរឱ្យ​ដឹងដែរថា ប្រទេសបេឡារុសបានអនុញ្ញាតឱ្យកងកម្លាំងរុស្ស៊ីប្រើប្រាស់ទឹកដីរបស់ខ្លួនជាកន្លែងឈរជើងដើម្បីបា​ញ់​បង្ហោះគ្រាប់មីស៊ីល និងធ្វើការវាយលុកទៅកាន់ប្រទេសអ៊ុយក្រែន ។ប៉ុន្តែរហូតមកដល់ពេលនេះ ប្រធានាធិបតីបេឡារុស​

តែងតែបានបដិសេធមិនបញ្ជូនកងទ័ពរបស់ខ្លួនទៅកាន់ព្រំដែនអ៊ុយក្រែននោះទេ៕

ប្រែសម្រួល៖ធា សុណា