ភ្នំពេញ៖ ក្នុងពិធីបុណ្យបញ្ចុះខណ្ឌសីមាព្រះវិហារ ពុទ្ធាភិសេក និងឆ្លងសមិទ្ធផលនានាក្នុងវត្តព្រះបារមីវង្កតបុរី ស្ថិតនៅសង្កាត់ទឹកថ្លា ខណ្ឌសែនសុខ រាជធានីភ្នំពេញ នាព្រឹកថ្ងៃចន្ទទី២៤ ខែមេសា ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា បានលើកឡើងថា សម្តេចបានបំបែកឯកទត្តកម្មពិភពលោកចំនួន៣ រួចមកហើយ។

សម្តេច បន្តថា មានអ្នកចង់ធ្វើជានាយករដ្ឋមន្រ្តី ប៉ុន្តែវាសនាចារមកថា គេអត់បានធ្វើទេទោះបីជាគេងាប់ទៅជាតិក្រោយ ក៏មិនអាចធ្វើនាយករដ្ឋមន្ត្រីបានដែរ ឯសម្ដេច មិនចង់ធ្វើហើយមិនស្គាល់តំណែងនាយករដ្ឋមន្ត្រីផង បែរជាមកធ្វើជានាយករដ្ឋម ន្ត្រីជាង ៤ទសវត្សរ៍ ហើយបើបូកទាំងតំណែងនានានៅក្នុងរាជរដ្ឋាភិបាលគឺមានរយៈពេលជាង ៤៤ឆ្នាំ គឺបំបែកឯកទត្តកម្មនៅលើពិភពលោករួចស្រេចទៅហើយ ។

សម្តេចតេជោ នាយករដ្ឋមន្ដ្រី ហ៊ុន សែន បានបន្តទៀតថា ទី១-គឺរដ្ឋមន្រ្តីការបរទេសដែលក្មេងជាងគេនៅលើពិភពលោក, ទី២-នាយករដ្ឋមន្ត្រីដែលក្មេងជាងគេនៅលើពិភពលោក និងទី៣-នាយករដ្ឋមន្ត្រីដែលយូរជាងគេនៅលើពិភពលោក ៕

អត្ថបទ៖ ស៊ូ វណ្ណលុក, រូបភាព៖ វ៉េង លីមហួត, សួង ពិសិដ្ឋ