ភ្នំពេញ៖ ក្នុងពិធីប្រគល់សញ្ញាបត្រជូនគរុសិស្ស គរុនិស្សិត និស្សិត និងបុគ្គលិកអប់រំជាង ២ពាន់នាក់ ដែលបានបញ្ចប់ការសិក្សាដោយជោគ ជ័យនៅវិទ្យាស្ថានជាតិអប់រំ នៅព្រឹកថ្ងៃទី២៥ ខែមេសា ឆ្នាំ២០២៣ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានបញ្ជាក់ថា សម្ដេច គណបក្សនយោបាយក្នុងស្រុក គ្មានសិទ្ធិមកចចារជាមួយ ហ៊ុន សែន នោះទេ ប៉ុន្ដែបើត្រឹមស្នើសុំជួបសម្ដែងការគួរសម គឺអាចផ្ដល់ឱកាស ។

សម្ដេចតេជោ ហ៊ុន សែន បានមានប្រសាសន៍ដូច្នេះថា៖ បណ្ដាបក្សនយោបាយក្នុងស្រុក គ្មានរឿងចរចាទេ បើអ្នកឯងសុំសម្ដែងការគួរសម ខ្ញុំអាចផ្ដល់ឱកាស បើខ្ញុំមានពេល អត់មានរឿងអីមកត្រូវចរចាទេ ។

ជាមួយគ្នានេះ សម្ដេច បានលើកឡើងជាសំណួរដែរថា តើគណបក្សនយោបាយចរចាគ្នាអំពីរឿងអ្វី? ។ តើគណបក្សនយោបាយ ចង់ចរចាជាមួយនាយករដ្ឋមន្ត្រីអំពីរឿងអ្វីដែរ? ។ ត្រង់ចំណុចនេះ សម្ដេច ស្នើឲ្យបណ្ដាគណបក្សនយោបាយ គោរពអនុវត្តច្បាប់ឲ្យត្រឹមត្រូវ មិនចាំបាច់ចរចាអ្វីទេ ។

ជាមួយគ្នានេះ សម្ដេចតេជោ ហ៊ុណ សែន ក៏បានថ្លែងចំអកទៅកាន់ ស៊ន តារា ថា ជាក្មេងពាល ដែលពាក្យ ចាស់លោកពោលថា «កុំពត់តស្រឡៅ កុំប្រដៅក្មេងពាល» ។ សម្ដេចចាត់ទុកថា ស៊ន តារា គឺជាមនុស្សឈ្លើយពេក! វាឈ្លើយហួស ៕

អត្ថបទ៖ ស៊ូ វណ្ណលុក, រូបភាព៖ វ៉េង លីមហួត និង សួង ពិសិដ្ឋ