ភ្នំពេញ៖ ក្នុងជំនួបសំណេះសំណាលជាមួយគណៈប្រតិភូកីឡារបស់កម្ពុជា នាល្ងាចថ្ងៃទី០១ ខែឧសភា ឆ្នាំ២០២៣ មុនពួកគេចូលរួមប្រកួតកីឡាស៊ីហ្គេម លើកទី៣២ ដែលរៀបចំឡើងនៅកម្ពុជា សម្ដេចតេជោ ហ៊ុន សែន នាយករដ្ឋមន្ត្រីកម្ពុជា សូមអំពាវនាវដល់អ្នកមានបំណងទស្សនាការប្រកួតកីឡាស៊ីហ្គេម កុំសម្រុកចូលទៅមើលក្នុងពេលដែលខ្លួនមិនមានសំបុត្រចូលទស្សនាការប្រកួត ។

ជាមួយគ្នានេះ សម្ដេចតេជោ ក៏ណែនាំដល់អ្នកដែលមានសំបុត្រចូលទស្សនាផ្ទាល់ការប្រកួតស៊ីហ្គេម ប្រសិនបើមិនបានទៅមើលការប្រកួតទេ សូមឲ្យសបុត្រនោះ ទៅអ្នកដទៃឱ្យទៅជំនួសវិញ ចៀសវាងចំហរចោលកៅអី ។

សម្ដេចតេជោនាយករដ្ឋមន្ត្រី ហ៊ុន សែន បានមានប្រសាសន៍ទៀតថា អ្វីដែលសម្ដេចមិនចង់ឃើញនោះ គឺរូបភាពនៃការឡើងរបង ដណ្តើមគ្នាចូលមើល ដែលបង្កបញ្ហា មិនមានសណ្ដាប់ធ្នាប់៕ អត្ថបទ៖ វណ្ណលុក, រូបភាព៖ វ៉េង លីមហួត និង សួង ពិសិដ្ឋ