ភ្នំពេញ ៖ លោកជំទាវកិត្តិសង្គហបណ្ឌិត ឃួន សុដារី អនុប្រធានកាកបាទក្រហមកម្ពុជា នៅថ្ងៃទី ៧ ខែមិថុនា ឆ្នាំ២០២៣នេះ បានអញ្ជើញដឹកនាំកិច្ចប្រជុំរបស់គណៈកម្មការ និងអនុគណៈកម្មការរៀបចំកិច្ចប្រជុំថ្នាក់ដឹកនាំលើកទី២០ និងវេទិកាយុវជនលើកទី២ នៃសមាគមជាតិកាកបាទក្រហម និងអឌ្ឍចន្ទក្រហម ភូមិភាគអាស៊ី-អាគ្នេយ៍។

កិច្ចប្រជុំនេះ មានការអញ្ជើញចូលរួមពី លោកជំទាវកិត្តិបណ្ឌិត អ៊ុក ម៉ាលី អគ្គហេរញ្ញិកកាកបាទក្រហមកម្ពុជា ឯកឧត្តម លោកជំទាវ លោក លោកស្រី សមាជិក សមាជិកា នៃគណៈកម្មការ អនុគណៈកម្មការ ព្រមទាំងមន្ត្រីតំណាងពីក្រសួងការបរទេស សរុបចំនួន ៣៥នាក់។

របៀបវារៈនៃកិច្ចប្រជុំនេះរួមមាន ៖

• ត្រួតពិនិត្យវឌ្ឍនភាព ការងារត្រៀមធ្វើម្ចាស់ផ្ទះនៃកិច្ចប្រជុំថ្នាក់ដឹកនាំលើកទី២០ និងវេទិកាយុវជនលើកទី២ ។
• ពិភាក្សាលើការងាររៀបចំ ទៅតាមការណែនាំរបស់សម្តេចកិត្តិព្រឹទ្ធបណ្ឌិតប្រធាន និងជំហានអនុវត្តបន្ត។
• បញ្ហាផ្សេងៗ៕ ដោយ / គ្រី សម្បត្តិ