តូក្យូ៖ ប្រធានអង្គការឃ្លាំមើលនុយក្លេអ៊ែររបស់អង្គការសហប្រជាជាតិបានទៅដល់ប្រទេសជប៉ុន មុនការបញ្ចេញទឹកចេញ ពីរោងចក្រនុយក្លេអ៊ែរ Fukushima ទៅក្នុងសមុទ្រ។

ប្រធានអង្គការឃ្លាំមើលនុយក្លេអ៊ែររបស់អង្គការសហប្រជាជាតិ លោក Rafael Grossi បានជួបជាមួយរដ្ឋមន្ត្រីការបរទេសជប៉ុន លោក Yoshimasa Hayashi ក្នុងអំឡុងពេលទស្សនកិច្ចមួយ ដើម្បីបង្ហាញការពិនិត្យឡើងវិញអំពីផែនការរបស់ទីក្រុងតូក្យូ ក្នុងការបញ្ចេញទឹកដែលចម្រោះ ពីរោងចក្រនុយក្លេអ៊ែរ Fukushima ចូលទៅក្នុងសមុទ្រ។

ប្រធានទីភ្នាក់ងារថាមពលបរមាណូអន្តរជាតិ (IAEA) រូបនេះគ្រោងនឹងជួបជាមួយនាយករដ្ឋមន្ត្រី និងរដ្ឋមន្ត្រីការបរទេសរបស់ប្រទេសជប៉ុននៅទីក្រុងតូក្យូ មុនពេលធ្វើដំណើរទៅកាន់ទីក្រុង Fukushima នៅថ្ងៃពុធ សប្តាហ៍នេះ ដើម្បីទស្សនារោងចក្រ ដែលត្រូវបានបំផ្លិចបំផ្លាញ។

រ៉េអាក់ទ័ររបស់រោងចក្រនុយក្លេអ៊ែរជាច្រើនបានរលាយ បន្ទាប់ពីប្រព័ន្ធត្រជាក់ត្រូវបានគ្របដណ្ដប់ ដោយរលកយក្សស៊ូណាមិ ឆ្នាំ ២០១១។ ឧបទ្ទវហេតុនុយក្លេអ៊ែរនេះជាលទ្ធផលគឺអាក្រក់បំផុត ចាប់តាំងពីមានមហន្តរាយនុយក្លេអ៊ែរ Chernobyl កាលពីឆ្នាំ១៩៨៦ ហើយការសម្អាតមានរយៈពេលជាងមួយទស្សវត្សរ៍ ដោយតំបន់ភាគច្រើនបានប្រកាសបិទដែនកំណត់ ដោយសារតែវិទ្យុសកម្មឥឡូវនេះបានបើកឡើងវិញ។

ការរុះរើរោងចក្រដោយខ្លួនឯងនឹងចំណាយពេលជាច្រើនទសវត្សរ៍ ប៉ុន្តែប្រតិបត្តិកររបស់រោងចក្រថាមពលអគ្គិសនីតូក្យូ «TEPCO» ប្រឈមនឹងបញ្ហាភ្លាមៗនៃទឹកជាង ១.៣៣ លានម៉ែត្រគូប ដែលប្រមូលផ្តុំនៅលើទីតាំងនោះ។

អ្នកនាំពាក្យរាជរដ្ឋាភិបាល លោក Hirokazu Matsuno បាននិយាយថា «ការពិនិត្យឡើងវិញដោយ អង្គការឃ្លាំមើលនុយក្លេអ៊ែរ IAEA ដែលផ្តល់សិទ្ធិអំណាចក្នុងការគ្រប់គ្រង និងការអនុវត្តស្តង់ដារសុវត្ថិភាពនុយក្លេអ៊ែរ គឺមានសារៈសំខាន់ចំពោះកិច្ចខិតខំប្រឹងប្រែងរបស់យើង ក្នុងការលើកកម្ពស់ការយល់ដឹងជាអន្តរជាតិ»៕ ប្រភពពី AFP ប្រែសម្រួល៖ សារ៉ាត