ភ្នំពេញ៖ អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា និងប្អូន ស្រី គឺលោកស្រី យីងឡាក់ ស៊ីណាវ៉ាត្រា បានបង្ហាញវត្តមាននៅក្នុង ពិធីខួបកំណើតរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា កាលពីរាត្រីថ្ងៃទី ៥ខែសីហាឆ្នាំ២០២៣។

នៅថ្ងៃទី៥ ខែសីហា គឺខួបកំណើតសម្តេចតេជោ គម្រប់ ៧១ឆ្នាំ។ ដូច រាល់ឆ្នាំដែរ ក្នុងពិធីខួបកំណើតរបស់សម្តេចតេជោមានការរៀបចំ ពិធីជាគ្រួសារនៅភូមិគ្រឹះរបស់សម្តេច នាក្រុងតាខ្មៅ។

តាមរយៈវីដេអូកាត់នំខួបកំណើតដែលសម្តេចតេជោបង្ហោះលើបណ្ដាញសង្គមតីក តុក ( TikTok) គេបានសង្កេតឃើញមានការចូល រួមពីក្រុម គ្រួសារ។ បន្ថែមពីលើនោះគេបានឃើញវត្តមានលោក ថាក់ស៊ីន និង លោកស្រី យីងឡាក់ នៅក្នុងពិធីនោះផងដែរ។

សម្តេចតេជោ ហ៊ុន សែន បានថ្លែងប្រាប់អគ្គនាយកបណ្ដាញព័ត៌មាន Fresh News នៅថ្ងៃទី៦ ខែសីហាឱ្យដឹងថា លោក ថាក់ស៊ីន និង លោកស្រី យីងឡាក់ បានស្នាក់នៅភូមិគ្រឹះសម្តេចតេជោនាក្រុង តាខ្មៅ មួយយប់។ លុះព្រឹកឡើងបន្ទាប់ពីស្រស់ស្រូបអាហារ ពេលព្រឹក ជាមួយ សម្តេចតេជោហើយនោះ លោក ថាក់ស៊ីន និងលោកស្រី យីងឡាក់ បានហោះចេញពីកម្ពុជា។

សូមបញ្ជាក់ថា សម្តេចតេជោ ហ៊ុន សែន និងលោក ថាក់ស៊ីន បានរាប់ អានគ្នាជាបងប្អូនធម៌ ហើយមានទំនាក់ទំនងយ៉ាងជិតស្និទ្ធ តាំងពី ឆ្នាំ ១៩៩២ មុនលោក ថាក់ស៊ីន ធ្វើជាជានាយករដ្ឋមន្ត្រីមកម៉្លេះ៕
ដោយ ៖វណ្ណលុក