ភ្នំពេញ៖ ក្នុងសន្និសីទសារព័ត៌មានស្ដីពីដំណើរការបោះឆ្នោតជ្រើស តាំង តំណាងរាស្ត្រ នីតិកាលទី៧ ឆ្នាំ២០២៣ នៅរសៀលថ្ងៃទី ៥ ខែ សីហា ឆ្នាំ ២០២៣ លោក សាខុន ប៉ូរិន អគ្គលេខាធិការរងនៃសហព័ន្ធនិស្សិត បញ្ញវ័ន្តប្រជាធិតេយ្យកម្ពុជា «កែវភ្នែកយុត្តិធម៌» បាន និយាយ ថា ការ បោះឆ្នោតសាកលនៅកម្ពុជាឆ្នាំ២០២៣នេះ ជាការបោះឆ្នោតដែល មានអត្រាអ្នកទៅបោះឆ្នោត អ្នកសង្កេតការណ៍ជាតិ និងអន្តរជាតិ ច្រើនជាងគេក្នុងប្រវត្តិសាស្រ្ត។ ជាមួយនេះ ឆ្លងតាមរយៈការបោះឆ្នោត ជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ មានប្រជាពល រដ្ឋខ្មែរចំនួន ៨,២១៤,៤៣០នាក់ បានទៅបោះឆ្នោត។ ក្នុងនោះ បោះឆ្នោត ជូនគណបក្សប្រជាជនកម្ពុជា ដោយសំឡេង គាំទ្រខ្ពស់ជាង គេរហូតដល់ ៦,៣៩៨,៣១១សំឡេង ។នេះបង្ហាញថា ប្រជាពលរដ្ឋ ស្រឡាញ់គោលនយោបាយរបស់គណបក្សប្រជាជន។

លោក សាខុន ប៉ូរិន បានបន្តថា សមិទ្ធផលកន្លងមកគឺគណបក្ស ប្រជាជនកម្ពុជា បានកសាងសមិទ្ធផលជាច្រើនរួចមកហើយ ដូច្នេះ នៅថ្ងៃទី២៣ ខែកក្កដា ការសម្រេចចិត្ត និងឆន្ទៈរបស់ប្រជាពលរដ្ឋ គឺគាត់បានជ្រើសរើសយកគណបក្សប្រជាជនកម្ពុជា ដែលទទួលបាន អាសនៈរហូត ១២០កៅអី។ នេះគឺជាការមើលឃើញ និងវាយតម្លៃ របស់ប្រជាពលរដ្ឋដែលស្រឡាញ់ ពេញចិត្តលើគោលនយោបាយ របស់គណបក្សប្រជាជនកម្ពុជា។

លោកបានបន្តថា សហព័ន្ធនិស្សិតបញ្ញវ័ន្តប្រជាធិបតេយ្យកម្ពុជា ក៏ វាយតម្លៃបានថា ការបោះឆ្នោតជ្រើសតាំងតំណាងរាស្ត្រ នីតិកាល ទី៧នេះ គឺបានប្រព្រឹត្តទៅដោយសេរី ត្រឹមត្រូវ និងយុត្តិធម៌ ស្របតាម គោលការណ៍នៃលទ្ធិប្រជាធិបតេយ្យ និងគោលការណ៍ច្បាប់ ក្រោម បរិយា កាសសន្តិសុខ និងសណ្តាប់ធ្នាប់ល្អប្រសើរ ខណៈការឃោសនា រកសំឡេងឆ្នោត ការបោះឆ្នោត និងរាប់សន្លឹកឆ្នោត គឺបានប្រព្រឹត្តទៅ ដោយ រលូន គ្មានអំពើហិង្សាគ្មានការបំភិតបំភ័យ និងការគំរាមកំហែង។ គ្រប់ដំណើរការទាំងអស់ គឺបានប្រព្រឹត្តទៅដោយមានការ ចូលរួមពី ភ្នាក់ងារ របស់គណបក្សនយោបាយ អ្នកសង្កេតការណ៍ជាតិ-អន្តរជាតិ និងភ្នាក់ងារសារព័ត៌មានជាតិ-អន្តរជាតិជាច្រើន។

សូមជម្រាបថា តាមតារាងលទ្ធផលផ្លូវការ នៃការបោះឆ្នោតជាតិជ្រើស តាំងតំណាងរាស្ត្រ អាណតទី៧ បានបង្ហាញថា ក្នុងការបោះ ឆ្នោត សកល កាលពីថ្ងៃទី២៣ ខែកក្កដាមានប្រជាពលរដ្ឋខ្មែរចំនួន ៨,២១៤,៤៣០នាក់ បាននាំគ្នាទៅបោះឆ្នោត នៅក្នុងនោះ មាន សំឡេងបានការចំនួន ៧,៧៧៤,២៧៦សំឡេង និងសំឡេងមិនបាន ការសរុបចំនួន ៤៤០,១៥៤សំឡេង។ ក្នុងចំណោម សំឡេងសន្លឹក ឆ្នោតទាំងអស់ គណបក្សប្រជាជនកម្ពុជា ទទួលបានសំឡេងគាំទ្រ ខ្ពស់ជាងគេបង្អស់រហូតដល់ ៦,៣៩៨,៣១១សំឡេង, គណបក្ស ហ្វ៊ុនស៊ិនប៉ិចឈរនៅលំដាប់ទី២ ដោយទទួលបានសំឡេងគាំទ្រ ៧១៦ ៤៩០ សំឡេង, គណបក្សខ្មែររួបរួមជាតិទទួលបាន ១៣៤,២៨៥ សំឡេង, គណបក្សយុវជនកម្ពុជាទទួលបាន ៩៧,៤១២សំឡេង, គណបក្សធម្មាធិបតេយ្យទទួលបាន ៨៤,០៣០សំឡេង ហើយ គណបក្សក្រៅពីនោះទទួលបានសំឡេង បន្តិចបន្តួច ៕
អត្ថបទ៖ វណ្ណលុក, រូបភាព៖ សួង ពិសិដ្ឋ