កំពង់ធំ៖ ប្រធានក្រុមការងារចុះមូលដ្ឋានឃុំបន្ទាយស្ទោង ស្រុកស្ទាោង ខេត្តកំពង់ធំ បានអរគុណ ចំពោះក្រុមការងារទាំងអស់ ដែលជួយដោះ ស្រាយរាល់បញ្ហាប្រឈមនានាជូនប្រជាជនក្នុងមូលដ្ឋាន។

ឯកឧត្តម សោម ស៊ុន សមាជិកអចិន្ត្រៃយ៍គណបក្សខេត្ត  ប្រធាន ក្រុមការងារ របស់គណបក្សចុះមូលដ្ឋានឃុំបន្ទាយស្ទោង បានថ្លែង ដូច្នេះនៅរសៀលថ្ងៃទី៥ សីហា ក្នុងកិច្ចប្រជុំបូកសរុបវាយតម្លៃ សកម្មភាព ការងារ និងបទពិសោធន៍ ក្នុងការបោះឆ្នោតជ្រើសតាំង តំណាងរាស្ត្រនីតិកាលទី៧ ឆ្នាំ២០២៣ របស់ឃុំបន្ទាយស្ទោង  ។

អង្គប្រជុំបានពិភាក្សាយ៉ាងផុលផុស និងបានលើកឡើងអំពីចំណុចខ្លាំង ចំណុចខ្សោយមួយចំនួន របស់ក្រុមការងារ និងថ្នាក់ដឹកនាំនៅមូលដ្ឋាន ដែលបានអនុវត្តក្នុងដំណើរការបោះឆ្នោតនាពេលកន្លងមក  ព្រ មទាំងបានលើកឡើងនូវបទពិសោធន៍សំខាន់ៗមួយចំនួនដើម្បីឆ្លុះបញ្ចាំងសម្រាប់ការអនុវត្តបន្តនៅពេលខាងមុខឱ្យទទួលបានជោគជ័យថ្មីៗបន្ថែមទៀត ។

ឯកឧត្តម សោម ស៊ុន បានផ្សព្វផ្សាយអំពីលទ្ធផលជោគជ័យដ៏ត្រចះ ត្រចង់ភ្លូកទឹកភ្លូកដី ដែលគណបក្សប្រជាជនកម្ពុជា ទទួលបាន នៅទូទាំងប្រទេស ដែលមានសមាជិកគណបក្ស និងប្រជាពលរដ្ឋ បានអញ្ជើញទៅបោះឆ្នោតគាំទ្រគណបក្សប្រជាជនកម្ពុជា រហូតដ ល់ទៅជាង ៨២% ដើម្បីឲ្យសម្ដេចតេជោ ហ៊ុន សែន និង ឯកឧត្តម បណ្ឌិត ហ៊ុន ម៉ាណែត បន្តដឹកនាំនាវាកម្ពុជាក្នុងសុខសន្តិភាពនិង ការអភិវឌ្ឍ។

ជាមួយនេះដែរ ឯកឧត្តម សោម ស៊ុន បានប្រៀបធៀប លទ្ធផល សន្លឹក ឆ្នោតដែលបានបោះជូនគណបក្សប្រជាជន ក្នុងពេលបោះ ឆ្នោតជ្រើស រើសក្រុមប្រឹក្សាឃុំឆ្នាំ២០២២ និងលទ្ធផលសំឡេងឆ្នោត ដែលបាន បោះឆ្នោតជ្រើសតាំងតំណាងរាស្ត្រឆ្នាំ២០២៣ នៅឃុំបន្ទាយស្ទោង ស្រុកស្ទោង ខេត្តកំពង់ធំ មានការកើនឡើងជិតមួយពាន់សំឡេងផងដែរ ។

ក្រុមការងារចុះមូលដ្ឋានឃុំ បានរៀបចំពិធីពិសារអាហារសាមគ្គីអបអរ សាទរនូវ លទ្ធផលនៃជ័យជម្នះដ៏ត្រចះត្រចង់ ក្នុងការបោះឆ្នោត ជ្រើសតាំងតំណាងរាស្ត្រនីតិកាលទី៧ ឆ្នាំ២០២៣នេះ ប្រកប ដោយបរិយា កាសរីករាយនិងស្និទ្ធស្នាលក្រៃលែង ៕
ដោយ៖ ប៊ុន រដ្ឋា