កូឡុំបូ៖ មជ្ឈមណ្ឌលគ្រប់គ្រងគ្រោះមហន្តរាយ (DMC) បានបន្ថែមថា គ្រោះរាំងស្ងួតនៅក្នុងប្រទេសស្រីលង្កា ជាធម្មតាកើតឡើងដោយសារតែការពន្យារពេលនៃការចាប់ផ្តើមខ្យល់មូសុង ឬការប្រែប្រួលបណ្តោះអាសន្ននៃទឹកភ្លៀង។

មជ្ឈមណ្ឌលគ្រប់គ្រងគ្រោះមហន្តរាយ (DMC) បាននិយាយថា មនុស្សប្រហែល ៩០,០០០នាក់នៅក្នុងខេត្តចំនួន ៤ របស់ប្រទេសស្រីលង្កាបានរងផលប៉ះពាល់ដោយសារគ្រោះរាំងស្ងួត។ មជ្ឈមណ្ឌល DMC បានបញ្ជាក់ថា តំបន់ដែលរងផលប៉ះពាល់ចំនួន ៤ នោះ គឺខេត្តសាបារ៉ាហ្គាមូវ៉ា ភាគខាងកើត, ភាគពាយ័ព្យ និងខេត្តភាគខាងជើង។

មជ្ឈមណ្ឌលគ្រប់គ្រងគ្រោះមហន្តរាយ (DMC) បានបន្ថែមថា មនុស្សសរុបចំនួន ៨៩,៤៨៥នាក់មកពី ២៧,៨៨៥គ្រួសារបានរងផលប៉ះពាល់ដោយសារគ្រោះរាំងស្ងួត ហើយស្រុកចាស់ហ្វណា នៅក្នុងខេត្តភាគខាងជើង គឺជាស្រុកដែលរងផលប៉ះពាល់ខ្លាំងជាងគេ ដោយមានមនុស្ស ៦៩,១១៣នាក់មកពី ២១,៧១៤គ្រួសារបានរងផលប៉ះពាល់៕ ប្រភព៖ ស៊ីនហួរ ប្រែសម្រួលដោយ៖ ឈឹម ទីណា