បរទេស៖ ធនាគារកណ្តាលអ៊ឺរ៉ុប កៅកាត់ថា ECB បានកាត់បន្ថយការព្យាករណ៍កំណើនពិភពលោក សម្រាប់ឆ្នាំ២០២៣នេះ និងឆ្នាំក្រោយ ដោយសារផលប៉ះពាល់នៃអត្រាការប្រាក់ខ្ពស់ ដែលធ្វើឱ្យប៉ះពាល់ដល់តំបន់ចាយប្រាក់អឺរ៉ូ។

ប្រធានធនាគារកណ្តាលអឺរ៉ុប លោកស្រី Christine Lagarde បានមានប្រសាសន៍ កាលពីថ្ងៃព្រហស្បតិ៍ សប្តាហ៍នេះថា កំណើនសេដ្ឋកិច្ចពិភពលោកត្រូវបានធនាគារកណ្តាលអ៊ឺរ៉ុបព្យាករណ៍ថា នឹងធ្លាក់មកដល់អត្រា ០,៦ ភាគរយ នៅឆ្នាំ២០២៣នេះ ពោល គឺធ្លាក់ចុះពីការព្យាករណ៍ កាលពីលើកមុន ដែលធ្លាប់រំពឹងថា មានក្នុងអត្រា ០,៧ ភាគរយ។

បើតាមលោកស្រី ប្រធានធនាគារកណ្តាលអឺរ៉ុបដដែល បានឲ្យដឹងទៀតថា សម្រាប់ឆ្នាំ២០២៤វិញ កំណើនសេដ្ឋកិច្ចត្រូវបានព្យាករណ៍ថា នឹងធ្លាក់មកដល់អត្រា ០.៨ ភាគរយ បើធៀបនឹងការព្យាករណ៍ កាលពីមុន គឺមាន អត្រា១.០ ភាគរយ៕ ប្រភពពី AFP ប្រែសម្រួល៖ សារ៉ាត